POP 5

Lajmet më të lexuara të 5 minutave të fundit

Kronikë

Tiranë/ Kultivuan kanabis në Shëngjin, pranga nënës me dy djemtë! Si ranë në ‘kurthin’ e Policisë, shkulën kamerën! Në hetim kryeplaku e efektivi

Një nënë dhe dy djemtë, si edhe një tjetër bashkëpunëtor i tyre janë arrestuar pasi kishin kultivuar kanabis në Shëngjin të Tiranës. Pas informacioneve se kultivonin kanabis, policia kishte vendosur një kamera në zonë dhe i ka kapur duke ujitur bimët. Ata e kanë konstatuar kamerën dhe e kanë shkulur. 

Tiranë/ Kultivuan kanabis në Shëngjin, pranga nënës me dy djemtë! Si ranë në ‘kurthin’ e Policisë, shkulën kamerën! Në hetim kryeplaku e efektivi

Kanabisi i kultivuar

TIRANË- 4 persona janë vënë në pranga, pasi policia ka zbuluar se kishin kultivuar kanabis në fshatin Shëngjin, në Zall Bastar të Tiranës. Ndërkohë, policia ka vënë në hetim kryeplakun e fshatit, 2 punonjës të Agjencisë së Zonave të Mbrojtura dhe një efektiv policie, të cilët akuzohen për shpërdorim detyre. 

Në pranga ka rënë, një grua 60 vjeçe, dhe dy djemtë e saj, 37 dhe 34 vjeç. Po ashtu është arrestuar një tjetër bashkëpunëtor i tyre, u cili mësohet se është mik i familjes, 30 vjeç. Të katërt akuzohen për veprën penale "Kultivimi i bimëve narkotike".

Policia e Tiranës kishte marrë më herët informacion se gruaja dhe dy djemtë e saj, kishin kultivuar lëndë narkotike në Shëngjin të Tiranës. Për të dokumentuar dhe arrestuar autorët, policia kishte vendosur një kamera në afërsi të zonës. Gruaja dhe dy djemtë kanë shkuar për të ujitur rrënjët e kanabis sativa, dhe kanë konstatuar kamerën, të cilën më pas e kanë shkulur.

Megjithatë, pamjet e ruajtura në server i kanë identifikuar ato, përfshirë edhe bashkëpunëtorin e katërt. Më pas efektivët organizuan operacionin për arrestimin e tyre, ku njoftuan dhe SPZ e zonës, dhe ky i fundit u tregoi banesën e autorëve. Më pas policia zbuloi se efektivi Dajti ishte i afërm me gruan dhe 2 djemtë e saj. Për këtë arsye ka nisur hetim në gjendje të lirë për të, për të parë nëse ka lidhje me aktivitetin kriminal.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Historia e kremtimit të Krishtlindjeve

Historia e kremtimit të Krishtlindjeve

25 Dhjetor, 07:45