POP 5

Lajmet më të lexuara të 5 minutave të fundit

Arkiva

Tiranë, ministri Noka bllokon
gjendjen civile të njësisë nr.2

Përplasje në Njësinë Bashkiake Nr.2 ndërmjet Ministrisë së Brendshme dhe punonjësve të saj, për shkak të një kontrolli të beftë të urdhëruar nga ministri Flamur Noka, në listat e familjeve të regjistruara në këtë njësi. (Foto: Punonjëset e njësisë bashkiake nr 2 në Tiranë duke trokitur në derën e gjendjes civile)
TIRANE - Përplasje në Njësinë Bashkiake Nr.2 ndërmjet Ministrisë së Brendshme dhe punonjësve të saj, për shkak të një kontrolli të beftë të urdhëruar nga ministri Flamur Noka në listat e familjeve të regjistruara në këtë njësi. Ekipi i kontrollit i kryesuar nga drejtori Edmond Gjoleka është mbyllur me çelës brenda zyrës së Gjendjes Civile, duke mbajtur aty edhe punonjësen e zyrës gjatë procedurës së verifikimit të emrave. Punonjësit e njësisë, në mungesë të drejtuesit të tyre, Elez Gjoza, anëtar i LSI-së, që ndodhej jashtë shtetit, nuk kanë pushuar së rëni derës derisa më në fund ajo u hap dhe prej saj doli Gjoleka duke treguar urdhrin e ministrit Noka, që e autorizonte për kontrollin. Gjatë kësaj kohe, situata krijoi kaos në minibashinë nr.2 dhe qytetarët iu bashkuan thirrjeve të punonjësve për hapjen e derës së Gjendjes Civile. 

PUNONJËSJA E MINIBASHKISË: KANË MBYLLUR GJENDJEN CIVILE NGA BRENDA DHE MBAJNË ATY EDHE PUNONJËSEN TONË

Rreth orës 16:00, orë kur përfundonte orari zyrtar, punonjësja e minibashkisë nr.2 Mirela Çokollari, deklaroi për mediat e mbledhura pas derës se “Disa persona kanë ardhur nga ministria e Brendshme për të ushtruar një kontroll. U kërkuam një program, të cilin ata nuk e kishin. Megjithatë, ata janë futur direkt në zyrat e Gjendjes Civile, pa u futur më parë në zyrën e titullarit.

Brenda me ta ndodhet edhe punonjësja jonë, e cila është vetëm. Ne i kemi rënë derës, sepse mendojmë se asaj po i bëhet presion dhe nuk do të largohemi derisa ata të dalin. Nuk e kuptojmë përse bëhet kështu, mbase ndodh dhe pse nuk është titullari. Se po të ishte ai brenda, nuk do ishim në këtë gjendje”.

njesia 2
(Në foto: punonjësja e minibashkisë Mirela Çokollari)

EDMOND GJOLEKA: KAM URDHËR NGA MINISTRI NOKA TË KONTROLLOJ

Disa minuta më pas, dera e Gjendjes Civile hapet dhe prej saj del një zyrtar, që u prezantua për mediat me fjalët:

"Zonja dhe zotërinj, quhem Edmond Gjoleka, jam drejtor i Dokumentacionit dhe Procedurave në Drejtorinë e Përgjithshme të Gjendjes Civile në Ministrinë e Brendshme.

Me autorizim dhe prokurë nga ministri Noka kemi ardhur për kontroll. Shërbimi i Gjendjes Civile varet nga Qeveria dhe pse funksionon pranë pushtetit vendor, nuk drejtohet nga pushteti vendor.

Ne kemi nisur kontrollin që në datën 26. Përfunduam me njësinë nr.1 dhe 2; shkuam tek njësia 8 dhe 9 ku vërejtëm se homologët shprehën shqetësime për X familje, që është hequr nga njesia nr.9 që i përkiste, pa vullnetin e saj.

edmond gjolekaNë shqyrtuam këtë praktikë dhe gjetëm këtu edhe 51 familje të tjera nga brenda dhe jashtë Tiranës - kemi edhe emrat, që sot është shumë e lehtë të konfirmohen - të cilat janë hequr për periudhën sa të zbardheshin listat dhe u rikthyen sërish këtu.

Lidhur me pyetjen që na bëni, ne nuk e dinim fare nëse ishte apo ajo titullari, sepse ne bëjmë detyrën tonë; ky është shërbim që udhëhiqet direkt nga ministria e Brendshme, mësojeni njeherë e mirë këtë dhe nuk varet nga pushteti vendor. Derën e mbyllëm sepse s’na linin të punonim".

(Në foto: Drejtori nga MB, Edmond Gjoleka)
Ky ishte sqarimi që bëri qetësisht Gjoleka, pas veprimeve që kreu në mungesë të transparencës në zyrën e Gjendjes Civile, ndërkohë që para kamerave, u dëgjua që ai u konfrontua me punonjësen e minibashkisë dhe qytetarët.

Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59