POP 5

Lajmet më të lexuara të 5 minutave të fundit

Politikë

Tiranë, opozita sërish protestë para bashkisë, një grusht militantësh i bashkohen! Hedhin molotovë, rrezikohet dhe jeta e një polici! Shikoni pamjet me dron (FOTO+VIDEO)

Partia Demokratike dhe ajo e Lirisë protestuan sërish para bashkisë së Tiranës me molotovë, në temperatura ekstremisht të larta. Vetëm një grusht njerëzish iu bindën thirrjes, ndërsa sërish kryefjala e fjalimeve ishte lirimi i Sali Berishës

As temperaturat ekstreme deri në 41 gradë celsius që kapluan sot Tiranën, nuk ndaluan Partinë Demokratike dhe Partinë e Lirisë për të detyruar një grusht protestuesish që të dalin para bashkisë. Si kauzë, ata kanë deklaruar largimin e Erion Veliajt dhe kthimin e bashkisë tek qytetarët, por sërish dominuan thirrjet për lirimin e Berishës “non grata”, të cilin e quajtën të burgosur politik.

Pamjet me dron tregojnë gjithnjë e më pak mbështetës në protestën që u zhvillua në kushte të paimagjinueshme të temperaturave ekstreme për rreth 60 minuta.

Molotovët ishin kryefjala e tubimit, duke rrezikuar sërish jetën e efektivëve të policisë në krye të detyrës, po ashtu në kushte të vështira prej vapës.

Kësaj here Belind Këlliçi dhe të tjerët hoqën dorë jo vetëm prej gomave që javët e shkuara mbuluan me tym e flakë protestuesit, por edhe shtyrjet me policët. Këta të fundit nuk kishin më as mbrojtëse metalike, mungesa e të cilave tregoi qartë se protestuesit nuk duan të hyjnë në bashki, ndryshe nga sa pretendohet.

Nuk munguan sërish Klevis Balliu, Tedi Blushi, Dorian Teliti e Flamur Noka, të cilët këtë radhë zgjodhën vetëm “armën” e fjalës. Protesta e radhës u la të premten e 28 qershorit.

Rendit zhvillimet sipas orarit:
Ora 11:52
VIDEO/ Militantët e opozitës gjuajnë me molotovë drejt bashkisë, rrezikohet jeta e një polici

 

Një efektiv policie rrezikoi jetën nga hedhja e bombave me molotovë drejt godinës së bashkisë së Tiranës.

Në një foto të LSA duket që flaka e shkaktuar nga shpërthimi i molotovit gati sa nuk I djegu këmbën. Fatmirësisht reagimi i tij I shpejtë bëri që gjithcka të përfundonte pa ndonjë incident të rëndë.

Kjo nuk është hera e parë që militantët e opozitës duke hedhur molotovë rrezikojnë dhe jetën e policëve.

S.G/Shqiptarja.com

S.G/M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • EX MILITARY: 21/06/2024 12:19

    "i djegu" i dogji thuhet o gazetar

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29