Një aksident i frikshëm ka ndodhur pak çaste më parë në Tiranë, ku është përfshirë një i ri me motor.
Sipas informacioneve paraprake, i riu po ndiqej nga policia.
Në tentativë për t’u larguar duke ecur me shpejtësi në trafik, ai ka humbur kontrollin dhe ka përfunduar në lumin Lana.
![](https://shqiptarja.com/template/img/NO_ALFA_Kuadrate shqiptarja.png)
Personi i aksidentuar me motor, po ndiqej nga efektiv policie pasi ishte në kërkim nga Krimi Ekonomik i Policisë së Tiranës pasi akuzohet për mashtrim.
Janë të paktën 12 raste ku qytetarët e kishin denoncuar për këtë vepër penale. I riu pikaste të moshuar të ndryshëm ku i prezantohej si zyrtar i Bashkisë së Tiranës. Me premtimin se kanë përfituar grante nga bashkia, ai kishte arritur që ti merrte të moshuarve nga 200 deri në 800 mijë lekë të vjetra.
Raportohet se i riu ka marrë lëndime të lehta dhe ndodhet jashtë rrezikut për jetën, është arrestuar menjëherë në vendngjarje dhe është dërguar në spital për mjekim.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)