POP 5

Lajmet më të lexuara të 5 minutave të fundit

Arkiva

Tiranë, rryshfet për ndërtime
pranga 2 zyrtarëve të bashkisë

Një polic, një inspektor ndërtimi pranë bashkisë së kryeqytetit dhe një qytetar janë arrestuar sot pas mesditës me akuzën e korrupsionit. Dy zyrtarët akuzohen për marrje rryshfeti duke favoziuar ndërtimet pa leje në Tiranë.Të arrestuarit, në bashkëpunim me njëri-tjetrin lejonin ndërtimet pa leje në këmbim të shumave që varionin nga 8 mijë deri 10 mijë lekë të reja.
Tiranë, rryshfet për ndërtime<br />pranga 2 zyrtarëve të bashkisë
TIRANË – Dy zyrtarë të bashkisë së Tiranës dhe një qytetar kanë përfunduar sot në prangat e policisë së kryeqytetit. Sipas burimeve zyrtare pranë policisë bashkiake, një polic si edhe një inspektor ndërtimi pranë bashkisë së kryeqytetit janë arrestuar sot pas mesditës. Të arrestuar janë shtetasit Alban Zizo 34 vjec punonjës i insepktoriatit ndërtimor në Bashki, Arbit Medusa 30 vjec me detyrë inspektor i policisë bashkiake, si dhe qytetari Fatos Jana, 33 vjeç banues në Tiranë.
Denoncimi ka mbërritur nga drejtoria e Policise Bashkiake pas informacioneve të mbledhura në terren. Është dashur një punë intensive hetimore për dokumentimin e korrupsionit nga ana e zyrtarëve, të cilët sipas grupit hetimor ishin punonjës në bashki që prej vitit 2008. Burimet thanë se dy zyrtarët akuzohen për marrje rryshfeti gjatë aksionit për prishjen e ndërtimeve pa leje në Tiranë. Ata u premtonin qytetarëve të ndërtonin në menyre te paligjshme kundrejt një pagese të caktuar dhe se fundmi kishin operuar në Njësine bashkiake 8.


Policia: Merrnin deri ne 10 mijë lekë të reja bakshish

Strukturat e Hetimit të Krimit të Policisë së Kryeqytetit në bashkëpunim me Strukturat e Policisë Bashkiake Tiranë si dhe Njësinë Taks Forcë në Prokurorinë e Rrethit Gjyqësor Tiranë, bënë të mundur arrestimin e dy punonjësve të Bashkisë, për korrupsion pasiv e aktiv dhe shpërdorim detyre.

Nga veprimet hetimore të deritanishme, -deklaron policia - rezulton se shtetasit e sipërcituar, në bashkëpunim me njëri tjetrin, kërkonin dhe merrnin shuma të ndryshme parash, që variojnë nga 80 000 deri 10 000 lekë të rinj, për të lejuar në mënyrë të antiligjore, persona të ndryshëm që të kryenin ndërtime të paligjshme në Tiranë (kryesisht ndërtime pa leje në zonën e njësisë Nr.8 Tiranë).
Shtetasit do të ndiqen penalisht për kryerjen e veprës penale “Korrupsion pasiv i personave që ushtrojnë funksione publike”, parashikuar nga neni 259 i Kodit Penal.




(aq/am/shqiptarja.com)

  • Sondazhi i ditës:

    A e zgjidh problemin me shqiptarët në Britani vizita e Ramës në Londër?

Lajme të tjera



×

Lajmi i fundit

Marrëveshja SHBA-Kanada, synon t'i japë fund kalimeve të emigrantëve mes të dy vendeve

Marrëveshja SHBA-Kanada, synon t'i japë fund kalimeve të emigrantëve mes të dy vendeve

24 Mars, 22:58