Tiranë, shkelën rregullat e qarkullimit rrugor, gjobiten rreth 11 mijë shoferë në një javë! 7908 gjoba për qëndrim të gabuar  

Policia Rrugore e Tiranës ka vendosur 11. 776 masa administrative ndaj drejtuesve të mjeteve gjatë një jave.

Në bilancin e polisisë bëhet e ditur, se janë vendosur mesatarisht 1.628 gjoba në ditë gjatë javës që lamë pas (02.06.2024 - 08.06.2024).

Gjobat më të shumta janë vendosur për qëndrim të gabuar, për mosvendosjen e rripit të sigurimit dhe mosdhënie përparësie ndaj qytetarëve në rrugë.

Ndërkohë, janë arrestuar dhe proceduar 3 persona për drejtim mjeti nën ndikimin e alkoolit, 2 persona për pa leje drejtimi, 4 persona për shkelje të rregullave të qarkullimit dhe 2 persona për korupsion aktiv.

Masat administrative:

 11.776 masa administrative të vendosura, mesatarisht 1,682 në ditë

32 masa për xhama të zinj

 739 masa për shpejtësi mbi normat e lejuara

324 masa për përdorim celulari gjatë drejtimit

 640 masa për mos vendosjen e rripit të sigurimit

24 masa për mosrespektim të sinjalit “Stop”

 596 masa për mosdhënie përparësi qytetarëve

7908 masa për qëndrim të gabuar

Pezullime dhe bllokime:

 6 raste pezullim për drejtim nën ndikimin e alkoolit

43 raste për tejkalim shpejtësie

9 raste të ndryshme

 7 automjete u bllokuan, përfshirë 3 me targa të huaja.

 

S.B/Shqiptarja.com

TAG:
• gjoba
• policia rrugore
• Tirane