Një banesë është përfshirë nga flakët mbrëmjen e kësaj të shtune në Tiranë.

Ngjarja ka ndodhur në rrugën "Kongresi i Manastirit" përballë spitalit të fëmijëve në Tiranë, ku ka marrë flakë një banesë në katin e dytë të një pallati në pronësi të shtetasit G. G.

Forcat e policisë dhe ato zjarrfikëse shkuan në vendin e ngjarjes për neutralizimin e flakëve.

Si pasojë e zjarrit ka vetëm dëme materiale dhe jo persona të lënduar.

Nga hetimet paraprake dyshohet se shkak i zjarrit ka qenë një hekur për hekurosje.

Redaksia Online
Shqiptarja.com