Tiranë, të shtëna me armë zjarri
identifikohet autori dhe objektivi

Konflikti mes dy personave për shkak të një borxhi të pashlyer ka sjellë disa të shtëna me armë zjarri te Komuna e Parisit mbrëmjen e sotme rreth orës 21:05 duke alarmuar banorët, por nuk ka të plagosur.
 
Burime nga policia e Tiranës bëjnë me dije për Shqiptarja.com se të shtënat me armë zjarri kanë pasur objektiv Flamur Cullhajn, ndërsa autori është Klajdi Kodra.
 
Cullhaj dhe Kodra mësohet se kanë pasur një debat për çështje borxhi ditët e fundit, ndërsa sonte ky i fundit ka qëlluar në drejtim të tij, por nuk plumbat nuk e kanë kapur duke shpëtuar.
 
Flamur Cullhaj u gjet nga policia në banesën e tij dhe është marrë në pyetje për zbardhjen e plotë të ngjarjes, ndërsa autori Klajdi Kodra është shpallur në kërkim së bashku me një tjetër person të afërm të tij, që ndodhej në makinë në momentin që qëlluan me armë zjarri.
 
Nga të dhënat e para të policisë raportohet se autori udhëtonte në një automjet tip BMW ngjyrë e zezë dhe është larguar ne drejtim te Selitës.
 
Policia deklaroi se në vendin e ngjarjes është gjetur vetëm një gëzhojë 7.65 mm, ndërsa ka nisur hetimet për zbardhjen e plotë të dinamikës së ngjarjes.
 
Flamur Cullhaj dhe Klajdi Kodra janë emra të njohur për drejtësinë shqiptare, pasi janë me precedent penal për disa vepra penale. 


(Fotot nga Komuna e Parisit ku u regjistruan të shtënat me armë zjarri)











d.b/shqiptarja.com