TIRANË- Një 32-vjeçar ka humbur jetën paraditen e sotme pas një aksidenti në punë. Ngjarja ka ndodhur në ambientet e jashtme të një qendre tregtare në Tiranë. Dyshohet se 32-vjeçari, punonjës i qendrës tregtare, është dëmtuar me një pirun (mjet pune) që drejtohej nga 61-vjeçari Eduart Dauti.
32-vjeçari Ledjan Dervishi është dërguar në spitalin e Traumës për të marrë ndihmë mjekësore, por pas disa orësh fatkeqësisht ka ndërruar jetë për shkak të plagëve të marra. Ndërkohë, 61-vjeçari është shoqëruar në Komisariat.
Grupi hetimor vijon punën për dokumentimin e plotë të rrethanave të ngjarjes.