Sipas policisë, krimi ndodhi në banesën e tyre në fshatin Hekal, disa km larg Tiranës. Mësohet se Ersik Gjosha, 26 vjeç, e ka qëlluar tre herë me thikë të fejuarën e tij 9 vjet më të vogël, Anxhela Hadon.
Gjithçka ka ndodhur pasditen e sotme rreth orës 17:30 në banesën njëkatëshe të çiftit, kur ata gjendeshin vetëm.
Fare pranë banesës së tyre gjendej edhe shtëpia dy katëshe e prindërve të Ersik Gjoshës. 26-vjeçari kishte 3 muaj që ishte kthyer nga emigrimi, ndërsa prindërit i kishin ndërtuar banesën njëkatëshe për të pasur pranë djalin dhe nusen.
Nga burimet policore mësohet se 26-vjeçari i arrestuar ka pranuar krimin, i cili ka ndodhur pas një zënke për arsye xhelozie. Edhe prindërit e autorit janë shoqëruar në polici. Ndërsa trupi i viktimës ndodhet në morg për ekspertizë dhe në mbrëmje do t’i jepet familjarëve.
I arrestuari Ersi Gjosha, pritet të dalë të martën para Gjykatës së Krimeve të Rënda për vlerësim të masës së sigurisë.
NJOFTIMI I POLICISE ME 22 KORRIK PER VRASJEN E NDODHUR MBREME
Dje rreth orës 21:00, u be arrestimi ne flagrance i shtetasit Ersnik Ramiz Gjoshi, 27 vjec, lindur dhe banues në fshati Hekal komuna Petrele Tiranë. Arrestimi i tij u be sepse dje rreth ores 15:00, ne banesen e tij ne fshatin Hekal Tirane, per motive te castit, ka vrare me arme të ftohtë thike bashkejetuesen e tij shtetasen A.H 17 vjec. Autori i ngjarjes eshte kapur ne flagrance ne banesen e tij ne fshatin Hekal, disa minuta pas ngjarjes, se bashku me armen e krimit e cila u sekuestrua ne cilesine e provës materiale, se bashku me disa kampione (njolla gjaku dhe veshjet e viktimes).
Materialet i’u kaluan Prokurorisë së Rrethit Gjyqësor Tiranë, per veprat penale te “Vrasjes për shkak të marrëdhënieve familjare” dhe “Mbajtjes pa leje të armëve të ftohta”, parashikuar nga nenet 79/c dhe 279/2 të K.Penal.
Redaksia Online
(mag/sg/shqiptarja.com)
![](https://www.shqiptarja.com/template/img/sh_logo1.png)