Tiranë, zbulohet qendra e masazhit e përshtatur për prostitucion, drejtohej nga një 19-vjeçar, në pranga menaxherja e qendrës dhe një punonjëse

Një 19 vjeçar është vënë në kërkim nga policia në Tiranë, pasi, kishte përshtatur një qendër masazhesh, për veprimtarinë e kundërligjshme të prostitucionit.

Në pranga është vënë menaxherja e qendrës së masazheve së bashku me një punonjëse, ndërsa janë proceduar penalisht 3 shtetas të tjerë.

Specialistët e Seksionit për Hetimin e Trafiqeve të Paligjshme, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, organizuan dhe finalizuan operacionin policor të koduar "Fusion".

LEXO EDHE:
Spanjolli u dënua për një cigare hashashi në Shqipëri: Avokati më kërkoi t’i jepnim 3 mijë euro prokurorit për lirimin

“U arrestuan në flagrancë shtetaset M. K., 26 vjeçe, (menaxherja) A. B., 19 vjeçe, (punonjëse).  U proceduan në gjendje të lirë shtetaset R. S., 28 vjeçe dhe K. K., 19 vjeçe, punonjëse në qendrën e masazheve, dhe shtetasi D. O., 49 vjeç, banues në Tiranë; u shpall në kërkim shtetasi  M. M., 19 vjeç”, thuhet në njoftim.

Ndërkohë, gjatë hetimeve të kryera ka rezultuar se 19 vjeçari që administronte qendrën e masazhit, e cila ndodhej në rrugën "Nikolla Jorgo", në Tiranë dhe që menaxhohej nga 26 vjeçare, ishte aktiviteti i regjistruar ligjërisht si qendër masazhesh, ndërsa ushtrohej prostitucioni.       

Materialet i kaluan Prokurorisë, për veprime të mëtejshme procedurale.

TAG:
• Tirane
• qender masazhi
• prostitucion

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1553

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq