TIRANE- Një vajzë 20 vjeçare rezulton të jetë e zhdukur që prej të premtes, kur pasi ka dalë nga shtëpia e bashkëshortit të saj nuk është kthyer më.

Inesa Dushku kishte vetëm 2 javë që ishte martuar dhe sipas burimeve nga policia të cilave u referohet shqiptarja.com, ishte martuar pa dëshirën e saj.

Ka qenë vetë bashkëshorti i së resë që ka bërë denoncimin në komisariatin e Kamzës të shtunën pasi ka parë se bashkëshortja nuk ishte kthyer.

Cifti banonte në Kodër Babrru, dhe mendohet se vajza në momentin e largimit ka qenë në gjëndje depresive.