POP 5

Lajmet më të lexuara të 5 minutave të fundit

Sport

Tiranës nuk i mjafton Ngoo, Kukësi fiton për herë të dytë në histori Kupën e Shqipërisë

Për herë të dytë në histori Kukësi ka bërë të vetin Kupën e Shqipërisë pasi në finale ka mposhtur Tiranën me shifrat 2-1. Ndërkohë bardheblutë përveç trofeut kanë humbur edhe mundësinë për të siguruar pjesmarrjen në Kupat e Europës.

Kukësi është fituesi i Kupës së Shqipërisë për sezonin 2018-2019. Skuadra verilindore në finalen e zhvilluar në ‘Elbasan Arena’ ka mposhtur me rezultatin 2-1 Tiranën, ekipin që ka fituar më shumë se kushdo këtë trofe, plot 16 herë.

Verilindorët, të cilët këtë sezon e mbyllën në vendin e dytë, këtë takim e nisën si dominues, duke treguar qartë se kishin hyrë në fushë për fitore. Dhe sigurisht goli nuk vonoj, pasi që në minutën e 4 Vasil Shkurtaj zhbllokoi shifrat. Në minutat në vijim Kukësi tregoi supermaci, por nuk arriti që të dyfishonte.

Me fillimin e pjesës së dytë skuadrat ishin të barabarta në fushë dhe në minutën e 67 sulmuesi britanik i Tiranës majkëll Ngoo, i ndihmuar edhe nga një devijim, barazoi përkohësisht shifrat. Gjithsesi avantazhi nuk do të zgjaste shumë pasi Kukësi rimori epërsinë pas një aksioni model të konkretizuar nga Rexhinaldo.

Në pjesën e mbetur të lojës Tirana bëri pak për t’i dhënë një tjetër udhë finales dhe pas vërshëllimës së arbitrit në Elbasan shpërtheu festa. Së bashku me futbollistët në fushën e lojës festuan edhe tifozët e Kukësit, të cilët kapërcyen gardhin rrethues për të takuar idhujt e tyre. Ky ishte trofeu i dytë i Kupës së historinë e Kukësit, ndërsa Tirana nuk humbi vetëm sfidën, por edhe mundësinë e fundit për të siguruar pjesmarrjen në Kupat e Europës./ Përgatiti Ernest Koçi

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës

'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës

5 Nëntor, 18:28