SHBA- Një tjetër shuplakë për presidentin e SHBA Donald Trump.

Gjykata e Apelit hedh poshtë rekursin e Deparatmentit të Drejtësisë i cili  kërkoi kësaj të fundit të mos njohë urdhërin e gjykatësit James Robart i cili vendosi të pezullojë vendimin e manjatit për të ndaluar hyrjen e personave që vijnë nga 7 shtete me shumicë muslimane .  

Departamenti i Drejtësisë kërkoi që aktivizohet ndalimi i udhetimit për 7 vendet e listës së zezë urdhër ky i firmosur nga Kreu i Shtëpisë së Bardhë në 27 janar
 
“Çfarë fati do të ketë vendi ynë nëse një gjykatës mund të bllokojë vendimin mbi  ndalimin e lëvizjes së  disa shtetasve të cilët kanë qëllime të këqija dhe që duan  hyjnë në SHBA, ndërkohë që një vendim i tillë u mor për të mbrojtur sigurinë e brendshme?” ishte ky reagimi i presidentit Donald Trump ndaj vendimit të gjykatës James Robart.

Më herët ai ishte shprehur i bindur se do të fitonte rekursin por mesa duket SHBA vijon të tregojnë se janë vend ii demokracisë dhe se drejtësia është e pavarur nga çdo lloj pushteti tjetër.

Nisma e Donald Trump pezullon për 4 muaj programin e Shteteve të Bashkuara për strehimin e refugjatëve dhe vendos një bllokim të pakufizuar në kohë për të gjithë refugjatët sirianë dhe një pezullim prej 90 ditësh të vizave për shtetasit e Irakut, Iranit, Libisë, Somalisë, Sudanit dhe Jemenit. 

Redaksia Online
e.m/Shqiptarja.com