Durrës- Pas shtatë vitesh në krye të sektorit detar, jep dorëheqjen drejtori i Drejtorisë së Përgjithshme Detare.

Paulin Ndreu njoftohet se ka dorëzuar letrën e dorëheqjes tre ditë më parë tek eprorët, teksa mbeten të paqarta rrethanat.

Edhe pse jo e deklaruar zyrtarisht, burime nga Autoriteti Portual Durrës shprehen se drejtori Ndreu në letrën e tij të dorëheqjes, ka deklaruar “arsyet personale”, si shkak i vendimit të ndërmarrë nga ana e tij.

Paulin Ndreu e mbante detyrën që nga muaji Shtator i vitit 2017. Deri më tani nuk është bërë e ditur se cili do të jetë pasardhësi i Paulin Ndreut në krye të Drejtorisë së Përgjithshme detare.