KAVAJE - Gjykata e Kavajës ka liruar katër të arrestuarit për tjetërsimin e pronave në plazhin e Spillesë. Gazetari i Shqiptarja.com, Elton Qyno raporton se seanca gjyqësore është zhvilluar dy ditë më parë, 26 shtator 2018. Edhe pse prokuroria ka kërkuar mbajtjen në burg të katër të pandehurve, trupa gjykuese me kryesues gjyqtarin, Paulin Çera, ka shfryrë dosjen voluminoze të organit të akuzës.
Gjykata ka liruar Nezir Leçinin, Dritan Kazazin, Aldo Kilan dhe Agron Xhelezin, duke i lënë ata në arrest shtëpie. Me vendim të gjykatës, kanë lënë qelinë Nezir Leçini ish-shef i kadastrës në Kavajë, Agron Xhelezi, ish-kryetar i komisionit të ndarjes së tokës, Aldo Kila ish-jurist në hipotekën e Kavajës, Dritan Kazazi ish-hartograf në hipotekën e Kavajës.
Ndërkohë në korrik të 2018, Gjykata e Apelit Durrës liroi Said Cikalleshin, ish-drejtues Hipoteke. Po në këtë datë u lirua dhe Andi Gjeci, ish-jurist i hipotekës. Zyrtarët e arrestuar akuzoheshin për tjetërsim pronash. Ata kthyen edhe ranishtet në tokë arë, ndërsa nuk kursyen as poligonin e Ministrisë së Mbrojtjes i cili u kthye në pronë private.
Ish-zyrtarët e Hipotekës që u liruan:
Nezir Leçini - ish shef i kadastrës në Kavajë
Agron Xhelezi - ish kryetar i komisionit të ndarjes së tokës
Aldo Kila - ish jurist në hipotekën e Kavajës
Dritan Kazazi - ish hartograf në hipotekën e Kavajës
Të liruar në korrik 2018
Said Cikalleshin - Ish drejtues Hipoteke
Andi Gjeci - ish jurist i hipotekës
