Toçi: Nuk e sakrifikojmë cilësinë
e arsimit për disa vota më shumë

TIRANE- Deputeti i Partisë Socialiste, njëkohësisht anëtar i Komisionit të Edukimit dhe Medias, Fatmir Toçi, shpjegon në një intervistë për “Shqiptarja.com” se pse maxhoranca votoi një ligj kaq të kritikuar. Sipas tij, reformat e mëdha përherë hasin rezistencë, por PS nuk ka ndërmend që të sakrifikojë cilësinë e arsimit, me merakun se mund të ketë kosto politike për shkak të reformës.

Sipas Fatmir Toçit, ligji i ri nuk do të ketë ndikim negativ në xhepat e shqiptarëve, pasi shteti mbron shtresat në nevojë, teksa shton se ky ligj, do të përmirësojë cilësinë e shkollave të larta. Zërave të opozitës, deputeti socialist u sjell vetëm një gjë ndërmend: situatën e degradimit të arsimit të lartë deri më tani.