Agjencia e Kthimit dhe Kompensimit të pronave do të rivlerësojë të gjithë vendimet e marra nga ligjet e pas vitit 1991 për ndarjen e tokës. Qëllimi i këtij rivlerësimi do të jetë përcaktimi i vlerës financiare që kap prona e përfituar, për ta krahasuar më pas me shumën që një subjekt i shpronësuar pretendon të përfitojë nga toka e shpronësuar gjatë diktaturës. Ligji i ri për pronat, përcakton llogaritjen e vlerës së përfituar me tokën e marrë. Më të rrezikuar pronarët që kanë fituar troje. Do t'i zbritet toka që kërkohet për kompensim.