POP 5

Lajmet më të lexuara të 5 minutave të fundit

Politikë

Topalli: Deklarata e Ramës
fyen shqiptarët e Maqedonisë

Ish-kryetarja e Kuvendit Jozefina Topalli e ka quajtur të rrezikshme deklaratën e kryeministrit Edi Rama për shqiptarët e Maqedonisë, pasi sipas saj "fyen përpjekjet e tyre për liritë e të drejtat themelore".
Topalli: Deklarata e Ramës<br />fyen shqiptarët e Maqedonisë
TIRANE- Ish-kryetarja e Kuvendit Jozefina Topalli e ka quajtur të rrezikshme deklaratën e kryeministrit Edi Rama për shqiptarët e Maqedonisë. Sipas Topallit, kryeministri Rama gjatë takimit me presidentin e Maqedonisë “nuk artikuloi marrëveshjen e Ohrit”. Ndërsa shtoi se kreu i qeverisë, “barazoi pakicën maqedonase në Shqipëri me shqiptarët në Maqedoni”, duke u shprehur se në vendin tonë, pakicat maqedonase gëzojnë të gjitha të drejtat dhe liritë si çdo qytetar shqiptar.
 
“Të dashur miq, sot e kishin rradhën shqiptarët e Maqedonisë. Rama, në takimin me presidentin e Maqedonisë në zyrën e KM nuk artikuloi Marrëveshjen e Ohrit. Dhe sikur të mos mjaftonte kjo, barazoi pakicën maqedonase në Shqipëri me shqiptarët në Maqedoni. Ai tha “ne nuk u kërkojmë të tjerëve atë që ne vetë nuk jemi në gjendje ta plotësojmë për të tjerë”. As në realitet, e as në asnjë raport ndërkombëtar nuk ka asnjë problem të shtruar për pakicat maqedonase në Shqipëri, të cilët gëzojnë gjithë të drejtat e liritë e njeriut si çdo qytetar shqiptar”, shkruan Topalli.
 
Më tej në reagimin e saj, deputetja e Partisë Demokratike, i ka kërkuar kryeministrit të vendit, Edi Rama, t’u kërkojë falje shqiptarëve të Maqedonisë.
 
“Të dashur miq, gjatë këtyre 20 viteve, në politikën e jashtme në tërësi, në Shqipëri nuk ka patur diferenca mes partive e qeverive. Sot, dëgjuam nga KM një qëndrim krejt të huaj, jo shqiptar, për shqiptarët!!!! Deklarata e Ramës është e rrezikshme. Ajo fyen luftën e shqiptarëve në Maqedoni, fyen përpjekjet e tyre për liritë e të drejtat themelore. Ato sot ishin të tradhëtuar nga Tirana zyrtare. Dhe kjo vetem 4 ditë pas fjalimit përçarës që bëri para Kuvendit të Kosovës! Rama duhet të kërkojë falje!”, thotë Topalli në reagimin e saj në rrjetin social “Facebook”.

topalli fb per ramen

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Parada e shqiptarëve në Tiranë/ Kryetari i shoqatës ‘Vatra’ në Turqi: Jemi 100%  shqiptarë

Parada e shqiptarëve në Tiranë/ Kryetari i shoqatës ‘Vatra’ në Turqi: Jemi 100%  shqiptarë

28 Nëntor, 12:20