Topi firmos dekretet
Dy kodet u votuan pas konsensusit PS - PD

TIRANË – Pak ditë pas votimit në Kuvend, presidenti i Republikës, Bamir Topi ka dekretuar dy prej projektligjeve të cilat qëndruan në tavolinat e ligjvënësve për muaj të tërë.
Kreu i shtetit ka firmosur sot ndryshimet në ligjin “Për Kodin Hekurudhor në Republikën e Shqipërisë” si edhe në ligjin “ Për Kodin Detar”.
Në datë 17 nëntor deputetët e Kuvendit, konretizuan në seancë plenare konsensusin për votimin e ligjeve që kërkonin 3/5 e votave.
U votuan dy prej ligjeve, të cilat i hapën rrugë edhe 4 të tjerave, të bllokuara prej kohësh për shkak të mungesës së dialogut mes mazhorancës dhe opozitës.