Topi firmosi marrëveshjen me Bashën në minutat e fundit, ironizon Hoxha: U mbush PD me qëndrestarë bulevardi

Topi firmosi marrëveshjen me Bashën në minutat e fundit, ironizon Hoxha: U mbush PD me qëndrestarë bulevardi

Bamir Topi dhe Lulzim Basha

Nën siglën, ‘Partia demokratike - Aleanca për ndryshim’, kreu i PD-së Lulzim Basha, ka finalizuar marrëveshjen me 12 aleatët e tij për të shkuar së bashku në një koalicion në zgjedhjet e 25 prillit.

Kreu i FRD Bamit Topi i cili ishte surprizë në këtë koalicion, ka qenë i fundit që ka firmosur, duke e mbajtur “peng” marrëveshjen, deri në pak minuta para se të skadonte afati i dorëzimit të saj në KQZ.

Lidhur me arritjen e kësaj marrëveshje, ka reaguar Lisandër Hoxha i FRPD, i cili në rrjete sociale ka ironizuar duke shkruar “u mbush PD me qendrestare bulevardi”.

Ndërkaq kujtojmë se etiketimi i 21 janarit nga Sali Berisha për Bamir Topin, ishte “horr bulevardi”!

Surprizë në këtë koalicion ka qenë perfshirja e FRD-së së Bamir Topit i cili pas "divorcit" nga Sali Berisha rikthehet në familjen e vjetër politike. Ky është një koalicion që bashkon edhe armiqtë e tjerë historikë si grekët e PBDNJ me çamët e PDIU, ose Republikanët e Fatmir Mediut me Monarkët e Shpëtim Axhamit. Kurse LSI e Monika Kryemadhit, do të garojë e vetme por do të ketë kandidatë të përbashkët nën logon e PD vetëm në Dibër dhe Kukës.

Pjesë e këtij koalicioni, janë PR e Fatmir Mediut, LZHK-ja e Dashamir Shehit, FRD e Bamir Topit, PAA e Agron Dukës, PDK e Nard Ndokës, PBDNJ e Vangjel Dules, PDIU e Shpëtim Idrizit, Balli Kombëtar i Artur Roshit nga opozita parlamentare, PBLD e Arjan Starovës, PBD e Ylber Valterit, PLL e Shpëtim Axhamit dhe PKD e Dhimitër Muslias.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ymeri: 25/02/2021 17:59

    TOPI TE MOS BEJE ALEANCE ME PARTINE E QENVE,,,SE NDRYSHE I BIE I GJITHE REPUTACIONI....

    Përgjigju
  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

'Radio France': Shqipëria, destinacioni turistik në trend dhe i lirë

'Radio France': Shqipëria, destinacioni turistik në trend dhe i lirë