TIRANE - Ish-presidenti Bamir Topi ka reaguar për çmimin që iu dha dje kryeministrit Berisha “Fisnikëria e Tiranës”. Sipas Topit, ky është një çmim që u jepet atyre që karakterizohen nga humanizmi në jetën e tyre, ndërsa Berisha vrau 4 veta dy vite më parë.

“Për titullin e Berishës, turp për ata që ia kanë dhënë. Edhe në fushën e mjekësisë ka shumë figura që duhet të nderohen të respektohen sepse një mjek përpara se të jetë profesionist duhet të jetë njeri human, është bazë e profesionizmit, humanizmi.

Por çfarë mund të themi për tiparet humane të këtij njeriu që vetëm 2 vite më parë gjakosi Tiranën. Kur nën hundën e tij në mes të kryeqytetit lejoi vrasjen e njerëzve të pafajshëm dhe sot na meritoka titullin fisnikëria tironse”.

Shkrimi u botua sot në gazetën Shqiptarja.com (print) 09.06.2013
 
Redaksia Online
(b.m/shqiptarja.com)