TIRANË – Deputeti socialist Erion Braçe ka dalë sot me thirrjen se që nga Presidenti Nishani, Berisha, Basha e deri tek Armand Teliti, të gjithë duhen vënë nën akuzë për fëmijët shqiptarë të bllokuar në Greqi sepse Greqia i ka njoftuar që në qershor të 2011-ës për problemin e toponimeve.
 
Duke iu referuar rekomandimeve që Avokati i Popullit I ka dërguar sot ministrisë së Punëve të Jashtme, Braçe ka shkruar në Fb:   
 
“Ju pata thënë që fajin për fëmijët shqiptarë të lindur në Greqi, të bllokuar atje, e kishte qeveria e Sali Berishës! Berisha, Basha - deri në mars 2011 dhe Nishani e Armand Teliti -pas marsit 2011 duhen vënë nën akuzë për papërgjegjshmëri!

Avokati i Popullit ka treguar sot një fakt të ri, të pathënë më parë:

Qeveria e Greqise ka depozituar qe ne qershor te vitit 2011, ne ministrine e Brendshme dhe Drejtorinë e Gjendjes Civile, nje note verbale me emrat e qyteteve e rajoneve greke me qellim vendosjen e tyre ne pasaporta!

Po sipas avokatit te popullit, autoritetet shqiptare nuk kane paraqitur asnje objeksion, asnje verejtje apo reagim tjeter lidhur me kete note verbale.

E dini pse ka ndodhur keshtu, - pyet Braçe e po vetë i jep përgjigje pyetjes: “Sepse në muajt para dhe pas qershorit 2011, ministria e Brendshme dhe Drejtoria e Pergjithshme e Gjendjes Civile ishin te angazhuara me vjedhjen e zgjedhjeve ne Tirane!”
 
Redaksia online
(ar.sh/shqiptarja.com)