Trafik droge, kapet gomonia
mes Sarandës e Korfuzit

SARANDE- Një gomone me 2 shqiptarë në bord është kapur mbrëmjen e djeshme në ujrat neutrale midis Sarandës dhe Korfuzit. Burime zyrtare të policisë kufitare në Sarandë, të cituara nga atsh, bëjnë të ditur se mjeti lundrues dyshohet se kryente trafik të lëndës narkotike nga Saranda drejt ishullit grek. Gomonia është zbuluar nga skafi i policisë kufitare të Korfuzit, i cili I është vënë në ndjekje kur po lundronte nga ujrat territoriale të Sarandës për në ujrat greke.

Gomonia është bllokuar dhe është shoqëruar për në portin e Korfuzit, se bashku me drejtuesit, për të cilët është thënë se janë shqiptarë, por nuk janë bërë të ditur emrat e të arrestuarve., pasi mendohet se ata do te kryenin trafik te lendeve narkotike nga Saranda në Korfuz.

Pak kohë më parë, policia greke gjeti në ujrat neutrale rreth 84 kg hashash, që ishin hedhur në det nga një skaf që nuk u identifikua. Ndërkohë që ne muajt e veres u gjetën në det 400 kg hashash
/sg/shqiptarja.com/