I konsideruar si Pablo Escobari i kohëve moderne, Daniel Barrera drejtonte prej më se një dekade një organizate kokainë të shtrirë në katër kontinente. Sipas prokurorëve, baroni i drogës ka fituar dhjetëra miliona dollarë dhe ka prodhuar mijëra kilogramë kokainë çdo vit.
Daniel Barrera u arrestua në vitin 2012 në Venezuelë për llogari të autoriteteve kolumbiane, të cilat më pas vendosën ta ekstradojnë drejt Shteteve të Bashkuara.
![baroni](http://www.shqiptarja.com/foto/240511_1.jpg)
Nofkën “e profesionit” e ka "El Loco" (I çmenduri) dhe jo më kot. Metodat e dhunshme, vrasjet dhe torturat e rivalëve “në biznes” i siguruan “El Locos”zgjerimin e tregut dhe kontrollin e një pjese të madhe të trafikut drejt Shteteve të Bashkuara të Amerikës.
"El Loco" u ka shpëtuar disa herë autoriteteve kolumbiane falë djegies së gishtërinjve për të humbur gjurmët dhe ndërhyrjeve plastike në fytyrë.
Redaksia Online
Al.Ç/Shqiptarja.com
![](https://www.shqiptarja.com/template/img/sh_logo1.png)