Me 31 vite burg janë dënuar sot 6 anëtarët e grupit kriminal që akuzohen për trafik të mjetesh motorike nga Kosova në Shqipëri ndërsa një tjetër u shpall i pafajshëm. Vendimi u dha sot (14 qershor 2023) nga Gjykata e Posaçme e shkallës së Parë kundër Korrupsionit dhe Krimit të Organizuar.
Në seancën e 19 prillit 2023 SPAK kërkoi gjithsej 71 vite burg për 7 personat e akuzuar si të përfshirë në këtë trafik mes tyre njëri ish polic i forcave Shqiponja dhe një inspektore policie pranë Drejtorisë së Forcës së Posaçme Operacionale në Drejtorinë e Përgjithshme të Policisë së Shtetit Tiranë.
Sipas SPAK, drejtuesi i grupit ishte Selaudin Shahini, i cili mendohet se duke shfrytëzuar lidhjet familjare dhe shoqërore në Kosovë, kishte krijuar një rrjet personash që trafikonin mjete në vendin tonë. Ndërsa Ndriçim Shahini, kushëriri i Selaudinit, ishte personi që kujdesej për shitjen e mjeteve.
Denimet
1- Selaudin Shahini u dënua me 11 vite burg. Me pranimin e gjykimit të shkurtuar do të vuajë përfundimisht 7.4 vite burg. Fajtor për "Trafikimi i mjeteve motorike”, “Grupi i strukturuar kriminal”
2- Ndriçim Shahini u dënua me 10 vite burg. Me pranimin e gjykimit të shkurtuar do të vuajë përfundimisht 6.8 vjet burg. Fajtor për Trafikimi i mjeteve motorike”, “Grupi i strukturuar kriminal”
3- Ervis Cara u dënua me 10 vite burg. Me pranimin e gjykimit të shkurtuar do të vuajë përfundimisht 6.8 vjet burg. Fajtor për Trafikimi i mjeteve motorike”, “Grupi i strukturuar kriminal”
4- Vojsava Doda u dënua me 8 vite burg. Me pranimin e gjykimit të shkurtuar do të vuajë përfundimisht 5.4 vjet burg. Fajtore për Trafikimi i mjeteve motorike”, “Grupi i strukturuar kriminal”,
5- Endi Ahmetaj, ish polic u dënua me 5 vite burg. Me pranimin e gjykimit të shkurtuar do të vuajë përfundimisht 3.4 vjet burg. Fajtor për “Shpërdorim i detyrës”
6- Fatri Braha u dënua me 9 muaj burg. Me pranimin e gjykimit të shkurtuar do të vuajë përfundimisht 6 muaj. Fajtor për “Shpërdorim i detyrës"
I pafajshem
Aurel Shatri është shpallur i pafajshëm për të dy akuzat dhe është urdhëruar lirimi i tij nga paraburgimi nëse nuk mbahet për shkak të një vendimi tjetër.
Trafiku i mjeteve motorike
Sipas dosjes së SPAK grupi gjatë muajit shkurt 2022 siguroi mjete të vjedhura në Republikën e Kosovës dhe më pas i kanë trafikuar në territorin e Republikës së Shqipërisë nga pika e kalimit kufitar Morinë, Kukës me targa të vendosura në to, që i përkisnin mjeteve të targuara dhe regjistruara në Republikën e Shqipërisë.
Në kohën e kryerjes së veprës penale i pandehuri Endi Ahmetaj ka qenë punonjës policie në detyrën trupë shërbimi i forcës së posaçme “Shqiponja”, në Sektorin e Rendit dhe Policimit në Komunitet në Drejtorinë Vendore të Policisë Kukës. Ndërsa Vojsava Doda ka qenë inspektore policie pranë Drejtorisë së Forcës së Posaçme Operacionale në Drejtorinë e Përgjithshme të Policisë së Shtetit Tiranë.
Selaudin Shahini dhe Ndriçim Shahini dhe Vojsava Doda do të vuajnë dënimin në një burg të sigurisë së lartë, Ndërsa Endi Ahmetaj do të vuahë dënimin në një burg të sigurisë së zakonshme.
(Kliko këtu) për të lexuar dokumentin e plotë
S.G/KT/Shqiptarja.com
Sondazhi i ditës:
Si i vlerësoni protestat e dhunshme të Rithemelimit tek Bashkia?
-
Të drejta
22.5%
-
Te gabuara
73%
-
Nuk e di
4.5%
Vota total: 804
Lajme të tjera
-
E vetmja dritë në fundin e tunelit të Metës janë prangat e Dumanit dhe Kllapit
28 Prill, 16:43
-
Sauk/ Shpërthen bombula e gazit në një banesë, plagosen gjyshja, djali dhe nipi (EMRAT)
28 Prill, 14:11
-
Premtuan leje legalizimi dhe punësime për të votuar PS në zgjedhjet e 2019! Gjykata lë në burg zyrtarin e kadastrës dhe në arrest shtëpie kryeplakun e Saukut
28 Prill, 13:39
-
Policia Rrugore e Tiranës: Javën që lamë pas 17 shoferë u arrestuan, afro 12 mijë gjoba dhe 8 automjete të bllokuara
28 Prill, 12:16
-
Tiranë/ Shkuan të vizitonin 'Shpellën e Pëllumbasit' mbesin të bllokuar 5 turistë britanikë, gjenden pas 5 orësh kërkime (VIDEO)
28 Prill, 10:51
-
Nga Shkodra në Tiranë me pistoletë në makinë, arrestohet në Vorë 43 vjeçari! Person i skeduar nga policia (EMRI+VIDEO)
28 Prill, 10:25
-
Bunk’Art 2 atraksioni kryesor në qendër të Tiranës! Shikoni radhën e gjatë të turistëve të huaj, presin të hyjnë tek ish bunkeri antibërthamor i Ministrisë së Brendshme
28 Prill, 08:11
-
Basketboll meshkuj/ Besëlidhja 'ia merr dorën' Tiranës, e mposht edhe në ndeshjen e dytë dhe shkon në finale
27 Prill, 22:10
-
Përballet në derbi si ish, Orges Shehi i Partizanit: S'ka rol të madh, më të rëndësishëm lojtarët që e nisin nga stoli
27 Prill, 18:28
-
Protestat e Rithemelimit, Veliaj për Report Tv: Dogjën bashkinë, monument kulture! Ditët e ardhshme dorëzoj vetë dosjet në SPAK me informacione për të gjitha çështjet
27 Prill, 18:13
-
Bllokim rrugësh dhe tifozët të shoqëruar nga policia, derbi Tirana - Partizani fut kryeqytetin në 'qytetrrethim'
27 Prill, 17:45
-
'Ndaj Partizanit vetëm tri pikë', Erbim Fagu para derbit: Duam të kthejmë buzëqeshjen te tifozët e Tiranës
27 Prill, 16:27