Goditet grupi i trafikut të migrantëve, 15 të arrestuar! Sirianët e egjiptianët hynin nga Rinasi e Greqia! Shqipëria tranzit drejt BE-së për 1500 euro (EMRAT)

Tiranë - 15 persona janë arrestuar për ndihmë për kalim të paligjshëm të kufirit të emigrantëve ditën e sotme (15 Tetor). Dy prej të arrestuarve dhe që dyshohet se kanë pasur rolin kryesor në këtë trafik janë Ahmetd Kensoëa dhe Dashamir Kullaj. 

Drejtori i policisë së Tiranës doli në një konferencë për median për të dhënë detajet e operacionit të koduar “Damask” i ndërmarrë pas 12 muajve hetime që nga viti 2023, bashkë me Prokurorinë.

Janë hetuar 24 persona të dyshuar, nga të cilët 15 të arrestuar dhe 19 prej tyre me masën “arrest me burg”. 5 janë arrestuar më herët dhe 4 ende në kërkim. Mes të dyshuarve, 3 janë shtetas të huaj, egjiptianë dhe sirianë.

LEXO EDHE:
Tiranë/ Punonjësi i Gardës tenton vetëvrasjen me armën e shërbimit (EMRI)

Vocaj, i pyetur nga gazetarët, tha se “nuk ka punonjës të Policisë së Shtetit të përfshirë në këtë hetim dhe trafikim”.

Emigrantët vinin në mënyre të rregullt nga Rinasi dhe Greqia. Më pas Shqipërinë e përdornin tranzit për të shkuar në vendet e BE dhe kalimi ilegal bëhej nga Hani i Hotit në Shkodër dhe nga Morina në Kukës. Kryesisht emigrantët ishin egjiptianë dhe sirianë. Sipas burimeve, vlera qe u merrej nga trafikantër shkonte deri ne 1500 euro.

Gjithashtu ai shpjegoi se grupi dyshohet se është i organizuar dhe hetimet mund t’i kalojnë SPAK-ut.

“Nuk është bashkëpunim i thjeshtë dhe ka forma të posaçme aktiviteti dhe do përcaktohet se nga cila do hetohet, nga Prokuroria e Posaçme apo e Tiranës”, u shpreh kryepolici ndër të tjera.

Shqiptarja.com zbardh emrat e 15 të arrestuave. 

Deklarata për median e drejtorit të policisë së Tiranës

"Jam sot këtu, së bashku me zëvendësdrejtorin për Hetimin e Krimit të Organizuar dhe Krimeve të Rënda, zëvendësdrejtorin për Rendin dhe Sigurinë Publike, dhe shefin e Sektorit për Hetimin e Narkotikëve, për të bërë prezente rezultatet e një procedimi penal të vitit 2023 dhe finalizimin e operacionit policor të koduar “DAMASK”.

 Seksioni për Hetimin e Trafiqeve të Paligjshme në Drejtorinë Vendore të Policisë Tiranë, në vijim të operacioneve të njëpasnjëshme për parandalimin, evidentimin dhe goditjen e veprimtarisë kriminale në fushën e trafiqeve të paligjshme, ka referuar materialet në Prokurorinë pranë Gjykatës së Shkallës së Parë të Juridiksionit të Përgjithshëm Tiranë, e cila ka regjistruar procedimin penal nr. 5431, viti 2023.

 Pas një hetimi 12-mujor, në kuadër të këtij procedimi është bërë i mundur individualizimi i përgjegjësisë penale për 24 subjekte të këtij procedimi penal. Gjykata e Shkallës së Parë e Juridiksionit të Përgjithshëm Tiranë ka caktuar masën e sigurisë “Arrest në burg” në mungesë, për 19 shtetas. 

Gjatë fazave të mëparshme të hetimit janë arrestuar në flagrancë 5 shtetas të tjerë, nga të cilët 3 hetohen me masën e sigurisë “Arrest në burg”, pa afat, ndërsa 2 me masën e sigurisë “Detyrimi për t’u paraqitur në Policinë Gjyqësore”.  

 Janë shpallur në kërkim 4 shtetas. Sipas informacioneve që disponojmë, 3 prej tyre janë jashtë vendit dhe po ndiqen procedurat urgjente për shpalljen në kërkim ndërkombëtar të tyre.  

 Gjatë hetimeve të kryera në kuadër të këtij operacioni janë sekusetruar 10 automjete, rreth 20 mijë euro dhe 500 000 lekë, 24 celularë, 10 pasaporta dhe fotokopje pasaportash të shtetasve egjiptianë dhe sirianë.

 Shtetasit e implikuar në këtë veprimtari kriminale iu kanë dhënë ndihmë për kalim të paligjshëm të kufirit, shumë shtetasve, kryesisht nga Lindja e Mesme, të cilët hynin në RSH nga Greqia dhe tranzitoheshin në drejtim të kufijve veriorë të Shqipërisë, në Malin e Zi dhe në Kosovë.

Gjatë hetimit është dokumentuar përtej çdo dyshimi të arsyeshëm së shtetasit e huaj janë organizatorë dhe financues të kësaj veprimtarie kriminale. Gjatë zhvillimit të hetimeve janë përdorur veprime stimuluese si dhe teknika të posaçme hetimore me mbështetjen e Drejtorisë së Forcës së Posaçme Operacionale në Departamentin e Policisë Kriminale në Drejtorinë e Përgjithshme të Policisë së Shtetit.

Në një episod, gjatë hetimit është bashkëpunuar dhe me emisionin investigativ “Piranjat”.

Po kështu, në fazën finale të operacionit është bashkëpunuar me Drejtorinë Vendore të Policisë Kukës, Durrës, Shkodër dhe me Komisariatin e Policisë Sarandë, në Drejtorinë Vendore të Policisë Vlorë.

 Gjej rastin të falënderoj publikisht Seksionin për Hetimin e Trafiqeve të Paligjshme në DVP Tiranë, për profesionalizimin dhe përkushtimin e treguar gjatë këtij hetimi. Po kështu falënderojmë publikisht Sektorin e Forcës së Posaçme për Operacionet Speciale dhe Kërkimin, Sektorin e Forcës së Posaçme “Shqiponja” për mbështjetjen që i kanë dhënë këtij hetimi gjatë të gjitha fazave të zhvillimit të tij.

Gjithashtu dua të falënderoj Prokurorin Z. Ritvan Suka dhe drejtuesin e Pokurorisë pranë Gjykatës së Shkallës së Parë të Juiridksionit të Përgjithshëm Tiranë, Z. Arenc Çela, për drejtimin dhe kontrollin e vazhdueshëm të këtij hetimin.

Drejtoria Vendore e Policisë Tiranë është dhe mbetet e angazhuar maksimalisht për evidentimin, parandalimin dhe goditjen e të gjitha veprimtarive kriminale në çdo formë të shfaqjes së tyre".

Lajmi  në përditësim... 

TAG:
• Tirane
• Arrestime
• Dashamir Kullaj
• trafik emigrantesh
• Tonin Vocaj
• Rafael Demaj
• Enriko Gjonaj
• Mehmet Bregu
• Arnold Kërçi
• Khaled Shahin
• Ahmed Kensova
• Mohammed Alfahel
• Nazmi Avxhija
• Juljan Avxhija
• Florenc Avxhija
• Klajvert Avxhija
• Klaudi Mano
• Trilind Gjana
• Elton Ukaj
• Eurel Ukaj
• Kelti Xhani
• Kastriot Xhani
• Ilirjan Xhaferri
• Mikel Stefani

Sondazhi i ditës:

Krijohet dhe 'Djathtas', a do i mbështesni partitë e reja në 2025?

• Po

  45.7%

• Jo

  43.1%

• Nuk e di

  11.2%

Vota total: 3012

Votat totale janë unike

• Sondazhi i ditës:

  Krijohet dhe 'Djathtas', a do i mbështesni partitë e reja në 2025?

  Po Jo Nuk e di