Trafiku i rënduar në Durrës, Bashkia kufizon hyrjen në qytet të furgonëve që shpërndajnë mallra

Për shkak të trafikut të rënduar në Durrës, Bashkia ka vendosur të kufizojnë lëvizjen për furgonët që transportojnë mallra, për një periudhë 5 mujore, nga 15 janar deri më 15 Maj. Zona e kufizimit të qarkullimit do të jetë përgjatë rrugëve kryesore, si Bulevardi Epidamn, rruga “Egnatia”, rruga “Taulantia”, Rruga e Currilave si dhe të gjitha segmentet rrugore në brendësi të unazës. Rrugët “Adria”, “Stefan Kaçulini”, “Glaukia”, “Hysen Kërtusha”, “Aleksandër Goga” (nga Drejtoria e Policisë deri te Prefektura).

Intervali është 07:00-09:00 dhe 16:00-18:00, nga e hëna deri të premten. Ky vendim është marrë për ti dhënë përparësi qytetarëve të cilët shkojnë në punë apo dërgojnë fëmijët në shkolla e kopshte.

Duke filluar nga e hëna, 20 janar, shkelësit e këtij urdhri do të ndëshkohen me masa administrative, sipas parashikimeve të Kodit Rrugor.

Ervis Qoku shefi i sektorit të qarkullimit në Policinë Bashkiake tha se “Policia Bashkiake u kërkon të gjitha subjekteve tregtare që të respektojnë oraret dhe sinjalistikën për furnizimin e mallrave, duke bashkëpunuar për zbatimin e këtij urdhri administrativ që synon të rregullojë trafikun në qytet.”

Nga ky ndalim përjashtohen mjetet e policisë, emergjencave, zjarrfikësve, ndërmarrjeve të shërbimeve komunale të Durrësit dhe Plazhit, Agjencisë së Parqeve Urbane, Ndërmarrjes Rruga dhe mjetet e transportit publik.

R.D/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 12 Shkurt, 22:33

    Arrestimi i Veliajt, si e vlerësoni qëndrimin e Ramës ndaj drejtësisë?



×

Lajmi i fundit

HiStory/ Gjergj Luca tregon incidentin në 'detin pa zot' me Malin e Zi: Ushtarët qëlluan sipër kokave

HiStory/ Gjergj Luca tregon incidentin në 'detin pa zot' me Malin e Zi: Ushtarët qëlluan sipër kokave