KOSOVË - Tragjedi në fushë. Futbollisti 43-vjeçar i klubit të veteranëve të KFV Barilevas në Kosovë, Liridon Gubetini, humbi jetën të premten në fushën e lojës gjatë ndeshjes së Kupës kundër KFV Deçanit.

Klubi i tij bën me dije se Gubetini humbi ndjenjat në fushë, ndërsa mediet në Kosovë tregojnë se dyshohet për një arrest kardiak. Paçka ndihmës së menjëhershme, 43-vjeçari që ishte pjesë e klubit të veterabëve të Barilevas që nga themelimi, nuk ia doli të mbijetonte.

'Në moshën 43-vjeçare, gjatë ndeshjes së Kupës, mes KFV BARILEVA - KFV DEÇANI pas përfundimit të pjesës së parë, Liridoni humbi ndjenjat dhe u nda nga ne, duke lënë pas një boshllëk të madh dhe pikëllim të thellë tek të gjithë ata që e njohën", bën me dije klubi i tij.

KFV Barileva i shpreh ngushëllimet familjes dhe miqve, duke treguar se Liridoni ishte pjesë e skuadrës që nga dita e themelimit.

"Liridoni do të kujtohet gjithmonë si një njeri i jashtëzakonshëm, i respektuar dhe shumë i afërt me skuadrën e veteranëve, duke dhënë gjithmonë kontributin e tij me zemër dhe përkushtim, ishte pjesë e jona që nga Dita e parë pas themelimit të skuadrës", njofton klubi nga Kosova.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 9 Maj, 13:00

    PS propozon masa më të ashpra për shoferët e dehur e ata të rinj, si iu duket?

Lajme të tjera