POP 5

Lajmet më të lexuara të 5 minutave të fundit

Arkiva

Tragjedia ajrore në Nigeri
153 të vdekur, nisin hetimet

Asnjë i mbijetuar nga tragjedia më e fundit ajrore kur një avion pasagjerësh me 153 pasagjerë në bord u rrëzua dje mes ndërtesave në një lagje tepër të populluar të qytetit kryesor të Nigerisë Lagos.
LAGOS, Nigeri – Asnjë i mbijetuar nga tragjedia më e fundit ajrore kur një avion pasagjerësh me 153 pasagjerë në bord u rrëzua dje mes ndërtesave në një lagje tepër të populluar të qytetit kryesor të Nigerisë Lagos. Autoritetet e Aviacionit Civil Nigerian thanë se fatkeqësisht të gjithë pasagjerët dhe ekuipazhi kanë humbur jetën, ndërkohë që nuk dihet ende shkaku I rrëzimit. Mijëra vetë u mblodhën në vendin e rrëzimit ndërsa ekipet e emergjencës kanë kërkuar për një kohë të gjatë mes mbetjeve dhe pluhurit nga shkatërrimi i avionit për ndonjë të mbijetuar. Presidenti Nigerian Goodluck Jonathan shpalli tre ditë zie kombëtare.
Avioni u rrërzua në një ndërtesë dy katëshe në lagjen Iju në veri të aeroportit. Televizionet transmetuan skena kaotike ku turma mbushi vendin e aksidentit. Ushtarët u përpoqën të shpërndanin njerëzit e shumtë duke përdorur dhe kamzhikë gome ndërsa disa banorë reaguan duhe hedhur gurë mbi forcat e ushtrisë.
Aeroplani komercial po fluturonte nga kryeqyteti nigerian, Abuja, për në Lagos kur u rrëzua dhe shpërtheu në flakë. Mbeten ende të paqarta shkaqet e shpërthimit.
Mbeturinat e avionit, duke përfshirë edhe një krah të tij u shpërndanë përreth, kurse trupi i avionit mbeti në ndërtesë. Kufomat e pasagjerëve dukeshin qartë nën rrënoja.
Banorët e zonës Iju-Ishaga të Lagos thanë se dëgjuan një zhurmë të fuqishme. Ndërkohë flaka përfshiu dhe ndërtesën dy katëshe ku u rrëzua avioni. Sipas dëshmitarëve ndërtesa shërbente si shtypshkronjë. Dyshohet se në ndërtesë nuk ka patur njeri në momentin e shpërthimit pasi dita e diel ishte pushim.
Tashmë hetimet janë përqëndruar në kutinë e zezë të avionit. Presidenti i vendit Jonathan ndërsa njoftoi zinë kombëtare tha se kishte urdhëruar hetim të plotë për aksidentin.
Më 11 maj të këtij viti një tjetër avion i ngjashëm më Dana nxori në fluturim një problem të ngjashëm teknik dhe bëri ulje të detyruar në Lagos.
Nigeria, si shumë vende afrikane, ka një nivel të dobët të sigurisë ajrore, edhe pse disa përpjekje janë bërë për të përmirësuar atë që pas një vale të fatkeqësive natyrore në vitin 2005. (ns/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

Efektivi bie nga lartësia e pallatit në Tiranë, dërgohet te Trauma! Nuk dihen shkaqet

15 Janar, 18:35