Tragjedia në Itali, Shpresa
e vajzat do prehen në Laç

TIRANE- Shpresa Djala, dhe dy vajzat e saj të mitura, Janisa, 1 vjece dhe Goia, 8 vjece, të cilat humbën jetën nga përmbytjet e datës 4 nëntor në Gjenovë të Italisë, do të prehen në Shqipëri.

Qindra miq dhe të afërm shqiptarë dhe italianë i kanë dhënë dje lamtumirën e fundit, ndërkohë që arkivolet me trupat e pajetë pritet të mbërrijnë sot në mëngjes në Shqipëri. Ata do të prehen në fshatin Shënkoll të Lacit, vendlindja e Flamurit dhe e Shpresës. Tashmë familja Djala në Laç ka hapur dyert e mortit.

Familja Djala jetonte prej shumë vitesh si emigrante në periferi të qytetit italian. Shpresa Djala, u godit nga dallga vdekjeprurëse, ndërsa u përpoq të mbrohej me vajzat në hollin e një pallati pranë shkollës së vajzës.
(s.g/shqiptarja.com)