Tragjedia, shkon në 91 numri i viktimave, 25 të zhdukur, Athina nuk gjen paqe, goditet nga stuhia

Autoritetet greke zyrtarisht deklarojnë se numri i viktimave nga zjarret masive të javës së kaluar është 91, ndërsa 25 persona janë të zhdukur në Mati. Mes viktimave janë edhe dy shqiptarë, ndërsa mbi 10 janë plagosur, por jashtë rrezikut. Pas zjarrit vdekjeprurës kërkimet për personat e zhdukur vazhdojnë në tokë e në det. Ku e vetmja mënyrë e identifikimit të trupave të shkrumbuar është përmes ADN-së.

Shefi Ekzekutiv i Shpëtimit Giannis Makris shprehet se situata është shqetësuese për të gjithë dhe se është e pamundur të përshkruhet ajo që shihet, por sipas tij kërkimet nuk do të përfundojnë derisa çdo ndërtesë të jetë kontrolluar tërësisht.

Ndërkohë që mediat vendase kanë publikuar për herë të parë disa pamje rrëqethëse me njerëz që vrapojnë të tmerruar me fëmijë në krahë drejt detit për t’i shpëtuar flakëve, disa duke mundur ta fitojnë luftën me vdekjen, e disa duke e humbur atë.

LEXO EDHE:
Ndihmoi në shuarjen e zjarreve, ekipi shqiptar përfundon misionin në Greqi! Rama: Krenar që ndihmuam popullin mik në këtë moment të vështirë

Pas zjarrit vdekjeprurës, Prefektura e Atikës është prekur nga stuhi të forta ku si rrjedhojë është ndërprerë furnizimi me energji elektrike c’ka vështirëson edhe kërkimet për të zhdukurit nga zjarri. Per shkak të stuhisë dhe të përmbytjeve në këtë zonë janë mbyllur edhe stacionet e metrosë.

TAG:
• ZJARRET NE GREQI

Sondazhi i ditës:

A ka politika frikë nga SPAK-u?

• Po

  68.7%

• Jo

  26.3%

• Nuk e di

  5%

Vota total: 4088

• Sondazhi i ditës:

  A ka politika frikë nga SPAK-u?

  Po Jo Nuk e di