Tragjike në Gjakovë/ Shtëpia 'përpihet' nga flakët, humbin jetën 2 fëmijë të mitur, lëndohen 3 të tjerë

Shtepia e djegur në të cilën ndodheshin të miturit

KOSOVË- Një tragjedi është shënuar mëngjesin e kësaj të mërkure në Gjakovë të Kosovës.

Dy fëmijë të mitur të moshës 12 dhe 13-vjeçare, kanë humbur jetën pasi shtëpia e tyre u kaplua nga flakët orët e para të mëngjesit të sotëm.

Dy fëmijët e vegjël ishin kushërinj dhe po flinin në katin e dytë të shtëpisë e cila u shkrumbua nga zjarr që “shpërtheu” për arsye ende të paditura.

Të lënduar nga ky incident kanë mbetur edhe 3 persona të tjerë që ndodheshin në shtëpi. Njëri prej të cilëve rezultoi prindi i njërit prej të mitarëve, ndërkohë që gjendja e tij shëndetësore është tepër e rënduar. 

Policia ndodhet në vendngjarje për të punuar dhe zbardhur rrethanat e këtij incidenti vërtet tragjik.

Rendit zhvillimet sipas orarit:
Ora 13:06
Humbën jetën nga ‘shpërthimi’ i zjarrit, nxirren trupat e dy fëmijëve nga shtëpia në Gjakovë

Rrëqethëse janë pamjet e nxjerrjes së trupave të dy fëmijëve që humbën jetën nga “shpërthimi” i zjarrit mëngjesin e sotëm në Gjakovë.

Banorët e zonës janë të tronditur nga kjo tragjedi që i mori jetën dy të miturve dhe la të lënduar 3 të tjerë.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Beteja për FSHF-në, a duhet të vijojë Armand Duka të drejtojë futbollin në vend?



×

Lajmi i fundit

John

Iu futën befasisht në shtëpi për kontroll, policia gjen pushkë dhe kanabis në shtëpinë e të riut, arrestohet 26-vjeçari në Berat