Trahana me perime të pjekura

Përbërësit:

  • 1 kungull i verdhë
  • 2 speca të kuq
  • 2 karrota
  • 1 qepë e madhe
  • 2 koka hudhre
  • 200 gr domate qershi
  • 3-4 lugë vaj ulliri
  • 1 lugë çaji paprika
  • 1 litër lëng perimesh ose ujë
  • 120-150 gr trahana
  • 2-3 lgj pana ose kos i trashë
  • Kripë, piper i zi
  • Gjalpë (opsionale për shije më të pasur)

Përgatitja:

Ngrohim furrën në 200°C. Presim kungullin në copa të mëdha dhe e vendosim në tavë bashkë me specat, karrotat, qepën, domatet dhe hudhrat (me lëkurë). Shtojmë vaj ulliri, kripë, piper dhe paprika. I pjekim perimet për 35-45 minuta derisa të zbuten dhe të karamelizohen lehtë. Pastrojmë hudhrat nga lëkura dhe vendosim të gjitha perimet në blender ose tenxhere. Shtojmë lëngun e perimeve dhe e bluajmë derisa të bëhen krem i butë. Kalojmë kremin në tenxhere në zjarr mesatar, shtojmë trahananë dhe e gatuajmë 10-15 minuta, duke e përzier shpesh që të mos ngjitet. Në fund shtojmë panën ose kosin dhe një copë gjalpë për shije më të plotë.