POP 5

Lajmet më të lexuara të 5 minutave të fundit

Ekonomi

Trajnohet administrata, Rama:
Kurs anti analfabetizmit fiskal

 Akademia Fiskale është nisma më e fundit e paraqitur nga qeveria që synon trajnimin e gjithë administratës fiskale të vendit.  Kryeministri Edi Rama vlerësoi sot se është një kurs “kundër analfabetizmit fiskal që ka krijuar kaq shumë problem mes shtetit e sipërmarrjes dhe ka dëmtuar seriozisht ekonominë dhe përpjekjen e përbashkët për mirëqënie “
Trajnohet administrata, Rama:<br />Kurs anti analfabetizmit fiskal
TIRANE- E gjithë administrata fiskale do i nënshtrohet trajnimit “kundër analfabetizmit fiskal- siç tha kryeministri- që ka krijuar kaq shumë problem mes shtetit e sipërmarrjes dhe ka dëmtuar seriozisht ekonominë dhe përpjekjen e përbashkët për mirëqënie “

Akademia Fiskale, është nisma më e fundit e paraqitur nga qeveria që synon trajnimin e gjithë administratës fiskale të vendit.
Hapja e Akademisë “Etika e punonjësve të Administratës Tatimore dhe Doganore” u bë gjatë një ceremonie me të pranishëm kryeministrin Edi Rama dhe 3 ministra të kabinetit qeverisës.

"Askush nga investitorët nuk vendosi taksat por thuajse unanimisht problem kryesor ishte administrata, pastaj gjyqësori, siguria e titujve të pronësisë dhe më pas kualifikimi i krahut të punës dhe në fund niveli i taksave. Sikur ti kishim dedikuar po atë pasion e vëmendje që i kemi dedikuar asfaltit me siguri do të kishim shtruar sot dyfish rrugën drejt BE ” u shpreh Rama.

 Rama sqaroi se me trajnimet intensive në 3 muajt që do të vijnë, synohet t'i jepet  fund analfabetizmit në dogana, tatime apo dhe në inspektoriatin e kontrollit ushqimor. Kryeministri tha se ky është vetëm fillimi , pasi mekanizmi i trajnimeve do të vazhdojë gjatë gjithë kohës, për t'i kthyer me standarde europiane këto institucione të rëndësishme 

“Ambicia është që në prill maj qershor të gjithë inspektorët e doganave e tatimeve, edhe ata që kanë sipërmarrjen të kalojnë në këtë proces dhe këtë kurs që po e them pak brutalisht por i tillë është kundër analfabetizimit fiskal. Çdo inspektor tatimor e doganor të mos jetë analfabet fiskal por të jetë në gjëndje të gjykojë e zgjidhë brenda ligjeve problemet e një sipërmarrjeje dhe të mishërojë sigurinë e marrëdhënieve. Në mënyrë që ankesat lum që rrjedhin me sms e telefonata në veshët e drejtorëve të tatimeve të shkojnë duke rënë e mundësisht të zerohen, nënvizoi Rama.

Më herë ishin edhe 3 ministrat e kabinetit Rama,  ministrja e Integrimit Klajda Gjosha, ministri i Financave Shkëlqim Cani, ministri i Zhvillimit Ekonomik Arben Ahmetaj që argumentuan se ky është një hap i rëndësishëm për luftën korrupsionit dhe modernizimit të gjithë sistemit fiskal .

Ministri i Financave, Shkëlqim Cani u shpreh se e gjithë administrata do të trajnohet.

“Sot po flasim për administratën fiskale. Ky është fillimi i trajnimeve të të gjithë administratës. Janë edhe institucionet e e tjera. Do të zgjasë mbi 2 muaj dhe vjen për përmirësimin e  kapaciteteve të administës, për të arritur objektivin e maksimizimit të të ardhurave të buxhetit dhe pët t’i shërbyer me profesionalizëm tatim paguesve”.

Këto trajnime do të kryhen nga përfaqësuesit e Crown Agents. Në fund të çdo periudhe pritet që punonjësit e administratës fiskale të japin edhe provime.

edi rama me logo

Redaksia online
(sg/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

VIDEO/ Armando Broja luan 70 minuta me Everton, futet në fushë dhe bën protagonistin

VIDEO/ Armando Broja luan 70 minuta me Everton, futet në fushë dhe bën protagonistin

29 Nëntor, 18:19