TIRANË-Në Landfillin e Sharrës studentë dhe pedagogë të Universitetit Politeknik të Tiranës të cilët ndjekin studimet master për “menaxhim energjie” realizuan një vizitë ku u njohën nga afër me të gjitha pikat e trajtimit dhe asgjësimit të mbetjeve të ngurta në këtë Landfill. Pedagogu i fakultetit të Inxhinierisë Mekanike Edmond Zeneli, tha se gjatë inspektimit të Zonës së Trajtimit të Mbetjeve janë të impresionuar nga ndryshimi dhe teknologjia e përdorur, e cila është në përputhje të direktivave evropiane.
"Në vijmë nga Universiteti Politeknik i Tiranës, Fakulteti i Inxhinierisë Mekanike. Jemi grupi i menaxhimit të energjisë. Së bashku me studentët në këtë vizitë sot në Landfillin e Sharrës jemi të impresionuar. Ka një ndryshim katërcipërisht për mirë dhe jemi të kënaqur pasi shikojmë në kryeqytetin tonë ato teknologji për mënyrat e trajtimit të mbetjeve të ngurta urbane në përputhje me direktivat e BE-së", tha Zeneli
"Përfunduam itinerarin tonë me një përshtypje të mrekullueshme. Nuk e dinim që ishte kaq mirë dhe pamë që edhe landfilli, edhe pjesa ku depozitoheshin mbëtjet më parë po rregullohet edhe më shumë", tha studentja Aldona Jaku.
![]()
Një tjetër grup studentësh dhe pedagogesh që bënë Zonën e Trajtimit të Mbetjeve të kryeqytetit, pjesë të studimeve të tyre ishte dhe ekipi i studentëve të masterit shkencor “Energji të rinovueshme”, i cili realizohet ne bashkëpunim me Universitetin e Hoenajmit në Gjermani dhe Universitetin Bujqësor nëTiranë. Edhe për përfaqësuesit e këtij projekti midis dy universiteteve, ndryshimet e realizuara nga shoqëria koncesionare Integrated Energy në Sharrë janë të dukshme, që nga gjelbërimi dhe deri tek landfillet e reja, të cilat janë ndërtuar sipas llojeve të mbetjeve që do të trajtohen.
"Për atë që ne ç'ka pamë këtu e krahasuar me para 2 vitesh gjithçka ka ndryshuar, me gjelbërim të vazhdueshëm të zonës por edhe ringritja e liqeneve apo fillimi i një landfilli të ri për diferencimin e mbetjeve", tha Prof. assoc Lirika Kupe nga Fakulteti i Bujqësisë dhe Mjedisit.
"Ishte një ndryshimë shumë i madh nga ajo që kemi parë më parpara. Pamë që investimet po bëhen edhe më të mëdha", tha Kristian Cani, student master “Energji e Rinovueshme”.
"Ishte hera e parë që unë në Sharrë. Se kisha imagjinuar ndonjëherë se do ishte kështu. E kisha imagjinuar ndryshe. Një grumbullim mbeturinash por jo, ishte goxha e pastër", tha Megi Ahmati, studente master “Energji e Rinovueshme”.
Administratorja e shoqërisë IEBV theksoi së bashkëpunimi me universitetet është i hapur dhe thelbësor Administratorja e koncesionarit IEBV Ariola Kodra vlerësoi vizitën e studentëve dhe pedagogëve në landfill dhe tha se kompanitë e suksesshme kanë gjithmonë nevojë për profesionistë.
"Shoqëritë e mëdha kanë nevojë për profesionistë kështu që unë mendoj se të gjithë duhet të investojmë në këtë pjesë", tha ajo.
Shoqëria koncesionare IEBV lider ne trajtimin e mbetjeve prej vitit 2018 menaxhon dhe trajton mbetjet e ngurta me standardet më të larta evropiane të qarkut të Tiranës.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)