POP 5

Lajmet më të lexuara të 5 minutave të fundit

Sport

Transferimi i parregullt i Çinarit, FIFA i bllokon merkaton dhe gjobit Partizanin (VIDEO)

Partizanit i bllokohet merkato për një vit. Klubit të kuq i vjen një tjetër lajm bombë pasi kroatët e Istras kanë fituar gjyqin në FIFA për transferimin e sulmuesit Çinari në vitin 2018-të. Vetë futbollisti pezullohet me katër muaj, Partizani gjobitet me 80 mijë euro por klubi thekson se do e apelojë vendimin.

Dhe problemet nuk kanë të sosur. Pas 5 futbollistëve të infektuar me koronavirus dhe largimit të trajnerit Adolfo Sormani Partizani merr një tjetër lajm të hidhur madje më shumë se dy të parët. FIFA u ka bllokuar merkaton në hyrje të kuqve për një vit për shkak të parregullsive që janë konstatuar në transferimin e sulmuesit Eraldo Çinari.

Futbollisti shkodran erdhi në vitin 2018-të në klubin e kuq pasi kishte kaluar një eksperiencë tek Istra në Kroaci dhe është pikërisht klubi kroat që ka ankimuar procedurat e transferimit dhe që ka fituar gjyqin në FIFA. Në këtë mënyrë organizmi më i lartë i futbollit në botë i ka bllokuar merkaton Partizanit për një vit duke e gjobitur skuadrën e kuqe edhe me 80 mijë euro ndërsa futbollisti është pezulluar me katër muaj nga aktivitetet sportive.

Tjetër problem edhe për vetë sulmuesin që në momentin më të mirë të formës së tij i mungon skuadrës pasi është i infektuar me koronavirus por tashmë edhe i pezulluar. Të kontaktuar nga Report Tv në kampin e kuq e pranojnë këtë zhvillim por thonë se kanë prova të mjaftueshme për ta zgjidhur situatën dhe se patjetër do ta ankimojnë këtë vendim. Nëse vendimi mbetet në fuqi Partizani do ketë shumë probleme për sezonin e ardhshëm pasi nuk mund të blejë dot futbollistë dhe duhet ta kërkojë zgjidhjen tek Akademia apo duke mbajtur futbollistët aktual/ Përgatiti Andi Kapxhiu.
 

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    6 Nëntor, 09:49

    Fiton Trump, mendoni se do ndryshojë politika amerikane ndaj Shqipërisë?

Lajme të tjera



×

Lajmi i fundit

Seuli paralajmëron se do ta godiste Phenianin në rast të një sulmi bërthamor

Seuli paralajmëron se do ta godiste Phenianin në rast të një sulmi bërthamor

8 Nëntor, 15:23