TIRANE- Autoritetet shqiptare nuk ushtrojnë thuajse asnjë lloj kontrolli mbi subjektet e huaja që operojnë në tregun e transportit të mallrave, duke penalizuar rëndë kompanitë vendase.

Sipas Drejtorit të “Shega-Trans”, Artur Koçiaj, mjetet e huaja lejohen të operojnë në Shqipëri jashtë çdo standardi të legjislacionit ndërkombëtar, duke përfituar kosto mjaft të ulëta në raport me operatorët shqiptarë, të cilët kanë humbur së fundmi rreth 30% të tregut. Koçiaj sjell në vëmendje edhe taksën e peshës që aplikohet nga Italia vetëm për transportuesit shqiptarë e iranianë, e cila ua rrit kostot operatorëve tanë me 450 euro.