Ndërsa kanë mbetur 72 orë nga dita e zgjedhjeve për Kongresin amerikan  Presidenti i Shteteve të Bashkuara të Amerikës  Donald Trump bëri të premten deklaratat  e fundit në West Virgjinia për republikanët që garojnë në zgjedhjet e mesmandatit. Sipas mediave amerikane presidenti amerikan Trump dhe ish-presidenti Obama të dy kanë folur nëpër tubime të ndryshme, duke theksuar rëndësinë e zgjedhjeve të ardhshme.

“Këto zgjedhje do të vendosin nëse do të vazhdojmë me zhvillimin e jashtëzakonshëm që kemi parë, apo nëse do t’i lejojmë demokratët radikalë të marrin kontrollin e Kongresit. Këtë herë zgjedhjet janë shumë të rëndësishme. Pasojat e të qëndruarit pa votuar janë të mëdha” ka thënë Trump gjatë një tubimi.

Ndërkohë të shtunën shifrat e uljes së  papunësisë duket se ka qenë fokusi i fjalës së drejtuar nga presidenti amerikan Trump, i cili tregoi për raportin e muajit të fundit për shtimin e vendeve të punës në muajin tetor dhe pagat e rritura brenda një dekade.

“Drejtuar në Montana dhe Florida sot! Të gjithë janë të ngazëllyer për numrin e vendeve të punës - 250,000 vende të reja pune në muajin tetor. Gjithashtu, pagat në rritje. Ëoë!", shkruajti Trump në Twitter të shtunën.

Sipas mediave amerikane referuar ideve të paraardhësit të tij kundërshtar, ish-presidentit Barack Obama dhe daljeve të tij në fushatë, presidenti  Trump është deklaruar hapur kundër, sa i përket çështjes së emigracionit .

“Ata duan që këto karvanë të mbushur me njerëz që vijnë në mënyrë të jashtëligjshme të vërshojnë në vendin tonë, duke rrezikuar komunitetin” ka thënë Trump.