Në 2014 krahasuar me vitin 2013 numëroheshin 1.454 ndërmarrje aktive më shumë.Në totalin e ndërmarrjeve vërehet se 55,4 % e ndërmarrjeve të huaja dhe të përbashkëta janë me origjinë nga Italia e Greqia.
Femrat zotërojnë dhe menaxhojnë 28,5 % të ndërmarrjeve aktive.Krahasuar me një vit më parë, qarku i Tiranës shënoi rritje me 1.990 të numrit të ndërmarrjeve aktive, ndërsa në qarqet Shkodër dhe Durrës numri i ndërmarrjeve aktive u ul respektivisht me 1.021 dhe 499 ndërmarrje.
Rreth 52,6 % e ndërmarrjeve aktive janë përqendruar në qarqet Tiranë e Fier.Mbizotërimi i prodhuesve të shërbimeve është dukuri në të gjitha qarqet dhe luhatet nga 80,0 % në qarkun Fier, deri në 87,7 % në qarkun Tiranë.
Vjet u regjistruan 17.377 ndërmarrje të reja aktive, krahasuar me 12.131 që ishin në vitin 2013, ose shkalla e krijimit të ndërmarrjeve të reja vjet llogaritet në 15,4 % nga
10,9 % në vitin 2013.
Pjesa kryesore e ndërmarrjeve aktive konstatohet në sektorin e shërbimeve dhe tregtisë.Kështu 37,4 % e ndërmarrjeve të reja kanë aktivitet ekonomik në tregti, ku mbizotërues me 77,4 % është tregtia me pakicë si dhe tregtia e automjeteve dhe motorçikletave.
Në sektorin e shërbimeve vjet u hapën 1.307 ndërmarrje të reja më shumë se gjatë 2013-tës, ku vërehet se 84,9 % e ndërmarrjeve aktive janë prodhues
të shërbimeve.
Ndërmarrjet me aktivitet ekonomik tregti, akomodim dhe shërbim ushqimor mbizotërojnë me 56 %.
Në grupin e prodhuesve të të mirave mbizotërues janë ndërmarrjet me aktivitet ekonomik industria përpunuese, me 52 %.
Në grupin e prodhuesve të shërbimeve mbizotërues janë ndërmarrjet me aktivitet tregtia me shumicë dhe me pakicë, riparimi i automjeteve dhe motorçikletave,
me 47 %.
INSTAT raportoi të dhënat statistikore mbi ndërmarrjet në Shqipëri. Regjistri Statistikor i Ndërmarrjeve shërben për qëllime statistikore dhe identifikon qartësisht njësitë me informacionin e marrë nga burimet administrative si: Drejtoria e Përgjithshme e Tatimeve (DPT), Qendra Kombëtare e Regjistrimit (QKR) dhe vrojtimet statistikore që organizon INSTAT ose agjencitë statistikore
(Marrë nga ATSH)
![](https://www.shqiptarja.com/template/img/sh_logo1.png)