Tregtonte lëndë plasëse, vihet nën hetim 38-vjeçari, iu sekuestruan 180 fishekzjarrë

DURRËS- Një 38-vjeçar është vënë nën hetim nga policia e Durrësit pasi tregtonte lëndë plasëse piroteknike. Në pranga ka rënë shtetasi B. P., 38 vjeç, banues në Dibër.

Ai u ndalua në Portin e Durrësit dhe iu konstatua në makinë 2 kuti me fishekzjarrë, konkretisht 180 copë.

“Në zbatim të detyrave të përcaktuara në planin e masave të ardhur nga Drejtoria e Përgjithshme e Policisë së Shtetit dhe në telegramin e Drejtorit të Përgjithshëm të Policisë, për intensifikimin e kontrolleve me qëllim parandalimin e futjes në vendin tonë nëpërmjet pikave të kalimit kufitar, dhe tregtimit në mënyrë të kundërligjshme të lëndëve piroteknike, shërbimet e Policisë Kufitare në Port Durrës kanë kaluar për kontroll në vijën e dytë, automjetin me drejtues shtetasin B. P. Gjatë kontrollit në mjet janë gjetur 2 kuti me 180 fishekzjarrë me fuqi të lartë shpërthyese, të cilët janë sekuestruar në cilësinë e provës materiale”, njofton policia.

LEXO EDHE:
Basha tregon si u bë ministër Trasportesh për '1 minutë': Lul tha Berisha, ti do luftosh korrupsionin! Sa të bëhem kryeministër do heq traun te Rruga e Kombit

Materialet procedurale i kaluan Prokurorisë, për veprime të mëtejshme.

 

SI.E./Shqiptarja.com

TAG:
• Durres
• policia e durresit
• fishekzjarre