Sipas Bankës së Shqipërisë, aktiviteti i tyre dominohet nga investime në titujt e borxhit të qeverisë me rreth 672.9 milionë lekë, në rritje me 21.8% ndaj fundit të vitit 2014. Ndërsa numri i anëtarëve të fondeve të pensionit u rrit me rreth 27.1%, në krahasim me fundin e vitit 2014, ndonëse ky segment mban një peshë të vogël në ndërmjetësimin financiar në vend.
BSH-ja bën të ditur se, tregu i pensioneve private vullnetare më 31. 03. 2015 tregon një total asetesh neto prej 685.19 milionë lekë dhe me një rritje prej afro 56.05 milionë lekë (8.91 %) krahasuar me fundin e vitit 2014. Për të njëjtën periudhë të një viti më parë, kur nuk ishte në fuqi lehtësitë tatimore, rritja ishte më e lartë, në nivelin e 11.3 %. Pensionet private, një treg ende i ri, që ka filluar të zhvillohet këto vitet e fundit. Në vitet në vazhdim pritet një zhvillim më i vrullshëm, i ketij sektori për shkak të përjashtimit nga tatimi mbi të ardhurat personale të kontributeve në fondet vullnetare të pensioneve.
![](https://www.shqiptarja.com/template/img/sh_logo1.png)