POP 5

Lajmet më të lexuara të 5 minutave të fundit

Ekonomi

Tregu i zi i letrave me vlerë/ Mbi 1.2 milionë bono në qarkullim por s'dihet kush i ka dhe me çfarë vlere i shet! 'Ekonomia' pro zgjatjes së afatit deri në 2027-ën

Afati për përdorimin e letrave me vlerë për të paguar një pjesë të faturës së legalizimit të banesës, apo për të privatizuar prona shtyhet deri në 2027-ën. Edhe pse kjo shtyrje u miratua në komisionin e Ekonomisë, deputetët ngritë pikëpyetje se kush i disponon këto letra apo çfarë vlere kanë, por pa marrë përgjigje.

Mbi 1.2 milionë letra me vlerë, qarkullojnë sot në tregun shqiptar, por nuk ka asnjë informacion se kush i disponon këto bono dhe me çfarë vlere ua shesin qytetarëve. Vlera e këtyre bonove të hedhura në treg nga Banka e Shqipërisë dhe që janë ende në treg përllogaritet në mbi 1.2 miliardë euro, por nuk ka asnjë të dhënë se sa ka shkuar vlera e tyre sot, dhe si përcaktohet norma me të cilën këmbehen.

Këto shqetësime u ngritën në komisionin e Ekonomisë nga deputeti socialist Erion Braçe teksa u diskutua projektligji për shtyrjen e afatit të përdorimit të bonove të privatizimit për në 31 dhjetor 2027, pas afati i ka përfunduar më 31 dhjetor 2023.

“Sa është vlera e bonove që janë shpërndarë? Cilat janë kategoritë që kanë përfituar bono privatizimi? Sa janë përfituesit e bonove? Bonot e mbetura në shoqërinë piramidale fondi Anglo-Adriatika sa janë dhe ku ndodhen? Cila është vlera e përdorur deri më sot e këtyre bonove? Kush i disponon dhe ku tregtohen? Këta njerëzit që legalizojnë një banesë, ku i gjejnë këto, ku i marrin ku i blejnë dhe sa i blejnë? Pra sa është vlera e tyre në treg?”, pyeti deputeti Erion Braçe.

“Ministria e Ekonomisë nuk ka një informacion mbi personat që i kanë këto bono, sepse ky është një treg për të cilin nuk jemi ne përgjegjës, as për emetimin as për ti ndjekur se kush i mban, si i tregon”, u shpreh në komisionin e Ekonomisë zëvendësministri i Ekonomisë Endrit Yzeiraj.

“Po flet për një treg të zi, a e kupton se çfarë po thua apo jo? Dollari këmbehet në të zezë por ka edhe agjenci të licencuara, për bonot a kurs për ato more zotëri?”, tha Braçe.

“Vlerën e këtij tregu e përcaktojnë ata që kanë në duar bonot? Kush janë ata? Nuk e dimë! Duhet të kishim ngritur një proces regjistrimi, duhet të kishim caktuar një normë për tu regjistruar. Sot jemi para faktit që nuk e dimë kush i ka, tregtohen në treg të lirë, s’kanë normë që rregullon tregtinë, përqindjen e caktojnë njerëzit që i kanë në duar”, u shpreh Shalsi.

Bonot e privatizimit (letrat me vlerë), janë përdorur që prej vitit 1995 dhe afati për lejimin e tyre është shtyrë 9 herë gjatë këtyre viteve.

Këto letra me vlerë janë përdorur kryesisht për pagesën e legalizimit të banesave, dhe një pjesë tjetër është përdorur nga ish-pronarët për të parablerë objekte që nuk janë privatizuar nga institucionet, dhe që janë të ndërtuara pjesërisht në pronën e tyre ku 80% e vlerës së objektit e blejnë me letra me vlerë dhe pjesën tjetër me para cash. Po ashtu përdoren edhe për privatizimin e pronave të dhëna me qira 1 euro.

“Kur janë me kontratë qiraje, dhe kur vlera e investimi kalon 150%, biznesi ka të drejtë ta privatizojë, toka është 100% të vlerës në lekë, ndërsa objektin ka të drejtë ta blejnë me 80% me bono dhe 20% me cash”, u shpreh Afrim Brahimaj nga drejtoria e Privatizimit pranë MEKI.

Në total Banka e Shqipërisë ka emetuar 3.2 milionë copë bono privatizimi me vlerë totale 83 miliardë lekë, por aktualisht ka në gjendje vetëm 45 mijë copë bono.

K.T./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Popull: 11/12/2024 11:27

    Pune muti ketu.. dhe une kam blere ca bono me shpresen se do blej prape token qe ka blere stergjyshi, po sipas batheve duhen dhe ca bono te tjera per te afruar kohen qe te marresh sherbimin

    Përgjigju
  • NAZMI KALAJ: 27/11/2024 10:12

    Ngrihet me të drejtë ky problem. Edhe unë disponoj dy Bono privatizimi me vlez 15000 lekë sejcila Por nuk po dimë vlerën reale të tyre ndaj dhe shteti duhet të ndërhyjë që kjo punë të disiplinohet E falenderoj Braçen për ngritjen e këtij problemi që të shpëtojmë nga abuzuesit

    Përgjigju
  • Niku: 04/06/2024 16:30

    Pyesni Pollon se ai I ka mbledhur te gjitha kur shiti telekomin.... beri aksioner ish punonjesit dhe ua futi sa krahu.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46