/ATSH/- Në tregun vendas, tregtimi i karburanteve me pakicë shënoi rënie të çmimit gjatë fundjavës.

Pas debateve të shumta për çmimin e lartë që operatorët ekonomikë tregtojnë karburantet, duket se është reflektuar një rënie e ndjeshme me rreth 4 lekë për për naftën dhe me tri lekë për benzinën.

Nga një vëzhgim në disa pika të tregtimit me pakicë në kryeqytet, nafta është shitur me 159 lekë ndërsa benzina me 160 lekë. Çmime më të lira të karburanteve do të thotë më pak kosto për sektorë jetikë të ekonomisë, si transporti, turizmi, industria etj. Ndërkohë çmimet e karburanteve në tregjet ndërkombëtare shënojnë rënie të konsiderueshme.