Receta

Trigona shtëpie me sherbet nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 29 Janar, 12:40 | Përditesimi: 29 Janar, 12:42

Trigona me sherbet

Përbërësit:

1 pako peta
250 gr arra
300 gr galetë
150 ml qumësht
100 gr sheqer
70 gr gjalpë të tretur
½ bustinë vanilje
½ lëng dhe lëkure limoni

Për sherbetin:

LEXO EDHE:
Pulë e mbushur nga zonja Albana

250 gr sheqer
200 ml ujë
Lëng limoni

Përgatitja:

Fillimisht presim petat me trashësi rreth 8 centimetra. Më pas vijojmë me përgatitjen e mbushjes. Në një tenxhere hedhim qumështin, sheqerin, arrat, lëkurën e limonit ose lëkurë portokalli dhe vaniljen. I vendosim në zjarr të ngrohen për disa minuta. E lëmë masën të ftohet dhe më pas shtojmë galetën, e përziejmë pa ndërprerje në mënyrë që masa të bëhet homogjene.

Për secilin trigon që do të përgatisim nevojiten tre rripa petash. Secilin prej tyre e spërkasim me gjalpë e më pas i vendosim njëra mbi tjetrën. Pasi i kemi bashkuar rripat tre e nga tre, në fillim të secilës petë vendosim nga një lugë gjelle me masën e përgatitur dhe nisim mbylljen e petave në formë trekëndore. I lyejmë në fund trigonat me gjalpë dhe i vendosim në furrë të parangrohur në temperaturën 180 gradë. Ndërkohë përgatisim sherbetin. Hedhim në një tenxhere ujin, sheqerin dhe lëngun e limonit. Pasi të jenë ftohur trigonat i hedhim sherbetin sipër ose mund t’i zhysim një e nga një në sherbet.

MC/Shqiptarja.com

TAG: