Tritan Shehu: Afrimi i Topit
në PD, jashtë realitetit politik

TIRANË - Ish kryetari i Partisë Demokratike, Tritan Shehu, shprehet kundër një afrimi të mundshëm të Frymës së Re Demokratike të Bamir Topit në koalicionin opozitar të PD-së. Gjatë një interviste për “Shqiptarja.com”, Shehu deklaron se një tezë e tillë e lakuar nga disa funksionarë të Partisë Demokratike, është jashtë kontekstit të zhvillimeve brenda opozitës, por njëherazi edhe larg realitetit politik. Nga ana tjetër, ai mbështet idenë e zgjerimit të koalicionit të djathtë me parti të tjera, përveç PBDNJ-së, por jo me kushtin që të vegjlit të përfitojnë nga PD. Anëtari i kryesisë në PD kundërshton edhe idenë e Konfederatës së djathtë, duke e cilësuar një lëvizje të tillë si të dëmshme për vetë PD-në.