Trump dhe avokatja e tij gjobiten me 1 milion dollarë për akuzat ndaj Hillary Clinton, avokati i ish-presidentit: Padi joserioze ligjërisht

Trump dhe avokatja e tij gjobiten me 1 milion dollarë për akuzat ndaj Hillary Clinton, avokati i ish-presidentit: Padi joserioze ligjërisht

Donald Trump

Një gjykatës federal ka urdhëruar Donald Trump dhe një nga avokatët e tij që të paguajnë rreth 1 milion dollarë gjobë për akuzat ndaj Hillary Clinton, Komitetit Kombëtar Demokratik dhe zyrtarë të tjerë që Trump i pretendon si armiq të tij për përfshirje në shantazh dhe komplot kundër tij.

Në vendimin e ashpër gjyqësor , gjykatësi i çështjes “Trump” përsa i përket taksave të padeklaruara gjatë kohës kur ai ishte president thekson se keqpërdorimi i gjykatave nga zoti Trump dhe avokatët e tij minon sundimin e ligjit.

Urdhri i fundit erdhi pasi një grup i të pandehurve të mbetur, përfshirë Clinton, paraqitën një kërkesë të veçantë për sanksione. Problemi tashmë nuk është vetëm për Trump, por edhe për avokatët e tij. Fundi i padisë shënon pengesën më të fundit ligjore për Trump-in, ndërsa ai përballet me një sërë hetimesh civile dhe penale, duke përfshirë hetimin për mbajtjen e dokumenteve të ndjeshme, ndërkohë që disa nga avokatët e tij janë nën vëzhgim për sjellje joprofesionale për këto raste.

Në një vendim të ashpër, gjykatësi Donald Middlebrooks, dënoi Trump dhe avokaten e tij, Alina Habba, për abuzim me sistemin ligjor.

“Ne jemi përballur me një padi që nuk duhej të ishte ngritur kurrë, e cila ishte krejtësisht joserioze, si faktikisht ashtu edhe ligjërisht,” shkroi Middlebrooks në urdhrin prej 46 faqesh për vendosjen e një gjobë prej 937,989.39 dollarësh kundër Trump dhe Habba.

Padia, e ngritur fillimisht nga Trump në mars 2022, pretendonte se Clinton dhe Komiteti Kombëtar Demokratik komplotuan me zyrtarë të lartë të FBI-së dhe të tjerë përpara zgjedhjeve të 2016-ës për të gjetur lidhje midis fushatës së Trump dhe Rusisë në mënyrë që ta dëmtonin atë politikisht.

Gjykatësi vuri në dukje se pretendimet e Trump se ish-drejtori i FBI-së, James Comey komplotoi me Clinton për ta ndjekur penalisht, ishin të gabuara pasi Trump nuk u ndoq kurrë penalisht, ndërsa një komplot i tillë ishte i papranueshëm pasi Comey kishte të ngjarë të dëmtonte fushatën e Clinton-it në vitin 2016 duke rihapur hetimin për emailet e saj. Sipas raportimeve të mediave të huaja, argumentet ligjore të Trump, duke përfshirë shantazhin dhe konspiracionin, u gjetën të pabaza.

F.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat avokatit në Memaliaj, i shpëton breshërisë së kallashnikovit: U qëllova për shkak të detyrës! Arrestohet autori

Atentat avokatit në Memaliaj, i shpëton breshërisë së kallashnikovit: U qëllova për shkak të detyrës! Arrestohet autori