Trump: Do ndërtoj murin me
Meksikën, por do le një “derë”!

INDIANA-Presidenti i sapozgjedhur i Shteteve të Bashkuara, Donald Trump ka nisur “turneun e mirënjohjes” nëpër SHBA.

Por duket se udhëheqësi i ri i Shteteve të Bashkuara në një pikë si, emigracioni i paligjshëm, nuk pranon kompromise.

Në Indiana, të cilën e ka vizituar më parë, Trump ka përsëritur se do të ndërtojnë një mur përgjatë kufirit SHBA-Meksikë.

“Njerëzit pyesin, ‘Mendoni se Trump do e ndërtojë atë mur? Besomëni, do e ndërtoj atë mur”, tha ai.

Ai ka shtuar se muri gjithsesi do të ketë një “derë”, përmes së cilës do të jenë në gjendje të kalojnë emigrantët e ligjshëm.

Presidenti i sapozgjedhur deklaroi se do të dëbojë ose dënojë së shpejti 2 deri në 3 milionë emigrantë të parregullt me të dhëna kriminale.

Siç shkruajnë mediat e huaja, Trump gjithashtu ka theksuar se Shtetet e Bashkuara do të bashkëpunojnë me çdo vend i cili është i interesuar për të shkatërruar të ashtuquajturin Shtetin Islamik.

(d.b/Shqiptarja.com)