Trump e krahason konfliktin në Siri me luftën e fëmijëve në një shesh lojërash

Presidenti amerikan Donald Trump e ka krahasuar konfliktin vdekjeprurës midis forcave turke dhe kurdëve në veri-lindje të Sirisë me një luftë midis fëmijëve.

"Si dy fëmijë në një fushë lojrash, i kemi lënë të luftojnë dhe pastaj i kemi ndarë” – tha presidenti Donald Trump në një tubim në Teksas.

Pas takimit të djeshëm mes zv/presidentit amerikan Pence dhe Presidentit turk Erdogan, Turqia ka rënë dakord me një kërkesë të SHBA për të pezulluar operacionet për aq kohë sa luftëtarët kurdë largohen nga zona kufitare.

Por luftimet duket se po vazhdojnë edhe sot, pavarësisht mohimit nga Presidenti i Turqisë Rexhep Tajip Erdogan.

Shqetësimi po rritet për krime të mundshme lufte nga ana e Turqisë.

Presidenti Erdogan hodhi poshtë raportet për vazhdimin e përleshjeve dhe i ka quajtur ato "dezinformata", por mediat ndërkombëtare kanë folur për shpërthime në qytetin kufitar Ras al-Ain.

Lajmi kryesor:

Vazhdon ofensiva turke në Siri, pavarësisht armëpushimit, të vdekur dhe plagosur. Amnesty International: Turqia ka kryer krime lufte. Trump: Si dy fëmijë në një fushë lojrash

TAG:
• SHBA
• donald trump
• turqi
• kurdet
• Siria
• Rexhep Tajip Erdogan
• armëpushim
• Bashar al Asad
• Ofensiva turke