POP 5

Lajmet më të lexuara të 5 minutave të fundit

Bota

Trump kritikon portretin e tij në Kongresin e Kolorados: Askujt nuk i pëlqen një fotografi e keqe, hiqeni

Donald Trump ka shprehur pakënaqësinë e tij në lidhje me portretin zyrtar të tij që është vendosur në Kongresin e Shtetit të Kolorados. Sipas tij portreti ishte "shtrembëruar me qëllim" dhe bëri thirrje që ai të hiqej

Trump kritikon portretin e tij në Kongresin e Kolorados: Askujt nuk i pëlqen një fotografi e keqe, hiqeni

Portreti i Donald Trump

Presidenti amerikan Donald Trump ka kritikuar një portret të pikturuar gjatë mandatit të tij të parë që është vendosur në Kongresin e Shtetit të Kolorados - dhe ka kërkuar që guvernatori i shtetit ta heqë atë.

Portreti, i pikturuar me vaj nga artistja, Sarah Boardman dhe i zbuluar në vitin 2019, paraqet presidentin me një kostum të errët dhe kravatë të kuqe.

“Askush nuk i pëlqen një foto apo pikturë e keqe e vetes, por ajo në Kolorado, në Kapitolin e Shtetit, e vendosur nga Guvernatori, së bashku me të gjithë presidentët e tjerë, u shtrembërua qëllimisht në një nivel që edhe unë, ndoshta, nuk e kam parë kurrë më parë”, tha Trump në një postim në rrjetin e tij Truth Social.

Trump pohoi gjithashtu se artistja që krijoi veprën kishte krijuar më parë një portret të Barack Obamës, për të cilin ai tha se ishte "i mrekullueshëm", duke sugjeruar se cilësia e punës së saj ishte përkeqësuar me kalimin e kohës

“Artistja bëri edhe Presidentin Obama, dhe ai duket i mrekullueshëm, por piktura ime është vërtet më e keqja”, nënvizoi Trump.

Ai shtoi se shumë njerëz në Kolorado kishin telefonuar dhe shkruar për këtë portret të tijin, e cili duket se i zbut tiparet e presidentit.

Xh.K/K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 25/03/2025 03:53

    Nuk eshte faji i piktores per pamjen,sepse ashtu je-si patate e pjekur ne fure!

    Përgjigju
  • Sondazhi i ditës: 26 Mars, 08:02

    Sa të rëndësishme janë zgjedhjet e 11 majit për integrimin në BE?

Lajme të tjera



×

Lajmi i fundit

Borsh/ 50 familje në protestë: Kadastra na ka bllokuar certifikatat e pronësisë! Shteti ia ka dhënë tokën Komunitetit Mysliman

Borsh/ 50 familje në protestë: Kadastra na ka bllokuar certifikatat e pronësisë! Shteti ia ka dhënë tokën Komunitetit Mysliman

27 Mars, 17:31